خمار المصريات للي حابه تعرف وين تلقاه

السلام عليكم ورحمة الله وبركاته..

أنا سبق وجربت الخمار المصري وكان مره مريح بس كان جايني هدية وعجزت ألقى مثله..

حصلت ببعض محلات العبايات لكنهم يفصلونه من نفس قماش العباة فيطلع مره مو مريح ..

طبعاً أنا ألبس تحته عباية كتف واسعة زي عباية الراس بس عالكتف ..

وهو مره مريح بالعمرة أو الحج وبعد في السفر مره مريح..

ومريح في السوق أو المستشفى..

يعني عملي..

وهذي صورة مقاربة له مو مرة زيه لأن الخمار اللي أقصده يوصل لحد البطن تقريباً وماله أكمام..يشبه البخنق..



الزبدة..<<<مابغت!!

أمس كنت رايحة لحياة مول وحصلته عند محل هناك وكانت أقمشته مره حلوة وباردة..

المحل في الدور الثاني اسمه سيدة الخليج Lady Gulf

طبعاً محل عبايات وطرح..

وسعره بــ 80 ريال

اللي جاني هديه كان سعره بفوق الــ 150 ريال

وهذي فروعه وأرقامه اللي موجودة على الكيس <<من زود فرحتها إنها لقته ههههههههه

فرع مجمع حياة مول _ 2057359

فرع أسواق الرياض مول _ 2355632

فرع أسواق رويال مول _ 2297838

فرع أسواق الأندلس _ 4602535

واللي تستفيد من هالموضوع تدعي لي بصلاح النية والذرية..

وإن الله يحرم وجهي ووالدي وأحبابي وذريتي وجميع المسلمين عن النار ..


للعلم فقط..

هذي ثاني مرة أدخل فيها هالمحل يعني لاهو محلي ولا أعرف من صاحبه حتى مايتوقع أحد إني أسوي دعايه له..

بس يوم حصلت الشي اللي كنت أدوره حبيت أفيدكم بمكانه من باب (أحب الناس إلى الله أنفعهم للناس)
اللهم آمين..

أتمنى لكم الفائدة كما أفدتموني دائماً..

18 تعليق 14,368 مشاهدة

شاركي في النقاش

سجلي الدخول لإضافة تعليق.

التعليقات

18
  1. @krzma2009

    الله يجزاك خير
    الله يفرج لك دنيا واخره
    والله اني كنت اتمنى القاه وانتي اختصرتي علي البحث
    الف شكر

تابعي تجارب أخرى من هذا القسم.