دولابكم فيه بطات ..وإلا حرااير وشيفون*؟
قد يحتوي هذا الموضوع على محتوى غير مناسب. عرض الموضوع
سلام ..سلام عليكم سلام
أتمنى لكل مطلعة على الموضوع الخير ... ودوام الهناء
ودي أسولف وحضراتكم بسالفة الملابس
من المعروف والفطري حب البنت والمرأة .. للملابس والزينة والتغيير والتنويع
لكن حديثي هنا للمتزوجات خاصة
ومافيه أي مانع من مشاركة الآنسات لو عندهم إفادة
بس السيدات عندهم التجربة ورأيهم مهم جدا
***
الملابس أنواع وأشكال >>عارفة ماجبت جديد
لكن ...وبليز ركزوا معي
فيه ملابس خاصة ما تلبس إلا عند الزوج
وفيه ملابس من ظاهرها إنها للزوج لكنها مو كذا
من فترة طلع بين السيدات وبمجتمعنا ملابس تسمى ملابس تنكرية
وللمؤيدات رجاء يتفهمون المقصد
وللرافضات رجاء لايجرحون غيرهم
نبي نتوصل هنا مع بعض دور ها الملابس وحقيقتها
وحتى لو الدعوة قماش لازم نكون عارفين سبب نشأته .. وليه يلبس أساسا
أنا مع التغيير والتنويع ... لأن الروتين قاتل ... وحتى تغيير اللوك الأولى فيه الزوج قبل الناس لكن بالعقل
محلات اللانجري أشكال وألوان ... وقمة الأنوثه والتجديد.. والرقة والكشخة ..وتلبي أغلب الأذواق
ليه ها الملابس بالذات؟؟
الملابس هذي بدايتها بالغرب أنا ما أرفض أي شي من الغرب ووو ..لا لكن هذي بالذات مو عدله
الغرب يا الطيبات مايملكون مثلنا ، أو كما يفترض بالمسلم أنه يكون عفيف طاهر ..ماعندهم غض البصر
مطلقين النظراااات تلو النظرات ... للي تسوى واللي ماتسوى ... حتى تشبعت عقولهم بمناظر النساء المتكشفات ...المتفصخات... وبالتالي ومره ورى مره ... أصبحت المرأة بمنظرها المعتاد أو حتى اللانجري المعتاد لاتثيرهم
وبدأت ولاحول ولاقوة إلا بالله ها الظاهرة تمشي بمجتمعات المسلمين الطاهرة ...نتيجة القنوات الهابطة، وضعف الإيمان وغيره
وأصبح الزوج لا تلفته الطاهرة زوجته ..بل يبحث عن الغريب والشاذ عند شياطين الإنس من الجنسين
الله يعافيهم ولا يبتلينا..
طيب والحل ؟؟
سمعتوا عن شياطين الأنس .. وخاصة أماكن اللهو عندهم ..والقرف ..والأفلام شلون يجيبون الرجال عن طريق ها الملابس الغريبة والحركات الأغرب
وكمان عشان يشيلون الملل لما يكون بين الطرفين
وطلعت ها الملابس .. والحركات >>والاستخفاف والاستهبال
يفترض بالعفيف لو شاف _ كف _ زوجته كفاه
بس المنفلت لا ما تمشي معه ... يبي له مجهود ولفت نظر ...وياااادوب يلتفت
فبها الملابس الغريبة حصل لهم المطلوب + الحركات الأغرب
لكن هم عندهم العدل
فكمان فيه ملابس فنتازيا ... وتنكرية للرجال
ماحدا أحسن من حدا
لأن نساءهم مثلهم مطلقين النظرات ...وماعاد يغريهم رجل عادي
وصار اللقاء الرقيق يتم بعد فنتازيا خياليه ...وديكوريه
هي أرنب وهو الصياد
هي ممرضة وهو مريض وإلا طبيب
هو السيد وهي الخادمة
هي الأميرة وهو العامل
هي البطة وهو الوزه >>> أمزح
المهم
هم يقومون فيها لأن مافيه أدنى إحترام للمرأة ..اللي أمامهم هي مجرد لعبة أو أداة يصل بعدها لراحته
بينما المسلمين لا
علاقتهم لهم فيها أجر ..ورابطتهم أقوى من لبس وتغيير
بسألكم
لو وحده قالت لوحده يا حيوانة >>> وسوري>>>ماراح تتضايق أكيد إلا
طيب ليه تلبس أرنب ..وإلا فراشه مو حيوانات ذول أو حشرات
غير عن كذا
هذا أمر دخيل علينا يعني لو قلتي لرجلك أنا { مااااله من علاقتنا جدد فيها بيروح يشتري لك لبس أسد .. أو تمساح ...أو بوليس
\\
والله أدري أن اللبس له دور بس ما تلاحظون إنه إزدراء للمرأة .. وتقليل من شانها من جهة ...طيب ولبستي تنكري بعدها وش بتسوين بعد فترة لو مليتوا؟؟؟ تلونين بشرتك البيضاء تصير سمراء ...والسمراء تصير بيضاء
ليه ما نهتم بالأساسيات النظافة... الرائحة العطور الراقية... اللمسة الناعمة ... الحركة الإغراء ...الصوت وبدون ها الخنفشاريات
**
لا كمان بعضهم ابتكروا لبس تنكري خليجي ..عباية مخصرة
ماسمعتوا بالتعلم الشرطي
إن استمتع رجلها بها الحركة ...راح تربط بذهنه وكل ماشاف وحده لابسه عباية مخصرة >>>تذكر ذيك المتعة ونظر بالحرام وتمادى بسبب جهل زوجته
وبدل ماكان ينظر للعباية إنها احتشام وحجاب ..واللي تلبس مخصرة قليلة أدب وماخذة إثم ... لا صار ينظر لها كلانجري
الخادمة راح ترتبط برأسه ... ذات السالفة وتصير الخادمة مصدر فتنه ولو كانت قبيحة لأن المهم هو الإرتباط الشرطي والمتعة اللي وجدها ذاك اليوم
الطبيبة كمان ... والمضيفة وووو
حيوانات مدري بس ما أظن رجل سوي يحترم زوجته حبيبته يرضى بها الشيء
وغير عن كذا
لو هو ماقد سمع فيها ماتحسين بالفشيلة .. والإحراج لو أستغرب وسأل وشذا أو ليه كذا؟؟
وحتى لو هو جابها إن كانه من أهل الأفلام ... والحرام فترفض عزيزة النفس إنها تتساوى فيهم
وإن كانه حباب بس شافها معروضة... ويبي مثلها وماهو داري عنها
توضح له وجهة نظرها
وإلا تطلبه تصير فله وهو أحد الأقزام السبعة
وإلا هي جميلة وهو يصير الوحش
والا هي لينا وهو عدنا>>>عشان تفرفشون بس
وإلا يصير سبيادر مان أفضل
الظاهر طلعت مافي خاطري
نبي حوار ..لا نبي تشنج ولا يسلمو
نبي تجاربكم ..وارائكم
والمايك لكم
وسلامتكم
دمتم بود