نظام فطورك في رمضان؟؟

السلام عليكم ورحمة الله وبركاته
حي الله مغتربات عالم حواء..

اولاً: مبروك عليكم الشهر مقدماً:icon28:
وثانياً: بصراحه انا افكر اقول في رمضان مافي وقت نفطر فيه او نتسحر:(
اذا بنفطر الساعه9 ونتسحر الساعه3
طيب انا بفطر وقت السحور بكون لسى شبعانه
متى بتقهوى
ومتى بصلي التراويح
.................

المهم ياطويلات العمر
ابي كل وحده تدخل وتكتب ايش بتسوي

..........

انا عن نفسي
افكر وقت الفطور لقيمات او جبنيه او بلح الشام
ومعاه شوربه كويكر او شوربه بيضا
وسمبوسه او نوع فطاير
يعني ثلاث اشياء ولا راح اكثر كل حاجه شوي
بحيث اني احس اني اكلت بس مو مره شبعت

وبعدها اصلي المغرب
وجيب القهوه مع نوع حلى
وزي ما ذكرت شوي حبتين ههه
اما كنافه او خليه او سمبوسه جبن

وبعدها صلاة التراويح
وبعدها نمسك عن الاكل
وكل واحد يشوف شغله يسويها

وبعدها السحور
عاد هنا حدث ولا حرج
اما كبسه لحم او دجاج
او صياني او مكرونه
بس هنا بكثرررر
ههههههه

الله ييسر لنا صيامه وقيامه:26:



يالله انتظر ردودكم الحلوه

54 تعليق 8,593 مشاهدة

شاركي في النقاش

سجلي الدخول لإضافة تعليق.

التعليقات

52
  1. @am_kyoy

    دلوعه شكلك اول رمضان تصومينه بالغربه
    انا هذا ثالث رمضان واحس اني بديت اتأقلم على جوء رمضان هنا بالنسبه للفطور اسوي سبرنج رول دجاج كروسون بالشكولاته
    صينيه خضار باللحم فقط والقهوه لي انا بس زوجي مايشرب القهوه ابد واذا افطرنا خلاص الله لايوريك تخمه مدري ليش <<<<كل ذا وليش ههههه
    والسحور اما مكرونه او كبسه او شوربه باللحم وبس
  2. @the_first_queen

    صحيح الوقت بينهم قصير
    نظامي احط كل شي وقت الفطور عصير ومويه وتمر وطبق رئيسي وشوربه

    اما السحور ناكل معمول ومويه هههههههههه والا ساندوتش خفيف
  3. @dloaah_bs_aaagbk

    صاحبة الموضوع
    ام كيوي
    اي والله اول مره اصوم بالغربه الله يعين
    طيب بسئلك حبيتي وقت السحور تصيرين شبعانه ولا جوعانه؟؟

    The first Queen
    مشاء الله عليك تتسحرين معمول
    طيب اليوم طويل بتجووعين ؟؟


    انا احس اهم شي عندي السحور ناويه اسوي شي دسم
    والفطور عادي اي حاجه..
  4. @om_toooota

    ههههههههههههههههه
    بس احنا اهل استراليا اضن لازم نكثر الاكل
    لان نفطر الساعه 5 وربع
    والفجر ماياذن الا 5 و تقريبا 5

    اللهم بلغنا رمضان واعنا على قيامه وصيامه
  5. حتى انا محتارة بالفطور والسحور واول مرة اصوم بالغربة بعيده عن اهلي وعن مساجدنا والتروايح والقيام

    الله يعين
    والاقتراح مرة حلو وان شاء الله نستفيد من البنات
    وياليت كل وحده تعلمنا عن صيامها وعن الجووع والتعب بطول الوقت وعن القيام والصلاة يعني نصلي بالبيت ؟؟

تابعي تجارب أخرى من هذا القسم.