وش اشين عاده عودتي عليها زوجك وندمتي

تندمت اني عودته مشاويري مع ابوي والسوق مع سواق اهلي وهو رافع يديه :(

حتى انا زيك وأفشل ان قالوا بيطلعون لازم ادق عليه على طلعة ماتستاهل وان ماقلت له قامت القيامة

بس انا ماعودته على هالشي هو متأصل فيه

عودته اني ما اجلس واياه على سفرة الا برمضان لأنه يجي من الدوام متأخر ونكون تغذينا واعشا كمان لحاله لا تقولوا ليه دايما يحط الأخبار وانا تلوع جبدي واحرم الأكل وقلت له مافاد خلوها على الله كذا احنا مرتاحين بس اللي يضايقني لو اصوم شهر مايقول ليه ما تاكلين اهيء اهيء

عودته على قناعتي الزايده (عاد الرجال يستانس لين شاف حرمته ساكته )

انا اذا احدثت شي جديد في حياتنا ولاحظت انه بيتعود عليها ولاهي في صالحي اتراجع بسرعه
قبل يتعود
مثل يوم كنت حامل كنت انام بغرفة اولاااادي علشاني اتقلب كثير بس بعد ولادتي على طول نمت بجنبه


واي شي اسويه له ما اخليه عاده اذا كانت بتعبني