احتياجات الخدامة من شامبو وصابون .. تشترينه من معاشج ولا معاشها ؟؟ تصويت

والله بصراحه كل شي من حسابي الخاص وامي بعد تشتري لها غصب نرحمه لانه متغربه وتاركه عياله ومن باب الصدقه .......... وماتسوى هالاشياء عندنا بس هي كثيره عليه

لا كل شيء اخذه لها الحمدلله صدقه عني وعن اعيالي يا بنات الحلال الواحد يدور الاجر من بعيد وهو داخل بيته الحرمه فقيره بالعكس احس الصدقه عليها احسن من انج اتودين فلوس ما اتعرفين وين بيروحن

وبعدين بذمتكم كم بتكلف هالشغلات ؟؟؟؟؟؟؟ولا شيء بالنسبه لرواتبنا ولله الحمد

الملابس ,,من الحجاب الى الجزمه . انا اشتريها لها ......... والفوط الصحيه والفازلين والفكس والفرشاه والمعجون انا اشتريها من فلوسي ..غير الهدايا

اما الشامبو والصابون اشتريته اول ماجت( (صانسلك ,,ولوكس )) .. ورفضت تستخدمهم ..
(بنت شيوخ ) وطلبت صابون بيبي جنسون والشامبو هايد اند شوندر اول مرتين انا شريته
بعدين شفتها ماتستاهل خليتها هي تشتريه وكمان اي كريمات مبيضه والا عنايه بالبشره هي تشتريها ..

انا النظافة الشخصية <<من صابون وشامبو ومعجون اسنان <<من نفس اغراضنا وعلى حسابنا....
لانه احس حرام يضيع راتبها عليها وهي جايه متغربه عشانة..
بس مرة طلبت غسول بشرة وكريم وجة <<قلت هذا بحسابك ...
واللي عندي قبل كان حتى الاشياء هذي بحسابي لانها كانت كريفة وامينة

هلا اختى لاعادي اشتريلها نفس الى عندنا وعلى حسابنا وخاص فيها