ليش كل ها لتحامل على الغربة يا مغتربات ؟؟

الغربة حلوة لكن مافي احلا من الوطن :)

وهذا اللي انا ابغاه .. ابغا الكل يتفائل ياعسل .. وردك لموضوعي الذهب بعينه ياقمر ..

تبغي تخطفيني اجل :D لازم اعمل حسابي واخذ احتياطي لهجمات ارهابية :30:

هذه هي عيوب الغربة ان زوجك ينشغل عنك .. وانا ركزت على الايجابيات عشان

نتفائل كلنا .. لازم ياقلبي تتعودي تندمجي مع الناس صيري زي اختك شابورة الامورة

مرة عملت لجارتي الكندية فلافل واعجبتها موووت وصرنا صديقات مع انها كبيرة

بالاربعينات .. واذا ماعملت كذا ماراح اشوف الناس .. الله يعين ..

مع احترامي لرأيك ياقمر الا اني اخالفك فيه ..

انتي تقولي اننا نعتمد على المكان اذا كان ممل اولا .. والله العظيم اني ساكنه في

مدينه مافيها شيئ .. ولا اسواق غير مول واحد .. ولا منتزهات ولاحاجة ..

نقلت من بيتي وماعندي جيران عرب وحتى الجيران الكنديين مااختلطت فيهم لان

على حظي اللي ساكنين معايا بالعمارة اغلبهم شاب مع القيرل فريند حقته ..

وانا مااحب تعرف عليهم ..

لكن في مجموعة بنات يجننو ينحطو على الجرح يطييييييب .. الله يسعدهم ..

وانا مقتنعه جدا باننا بيدنا نسعد او نتعس نفسنا .. مو بالتماشي والمنتزهات .. لا ..

واذا على السواقة والله لو انتظر زوجي يوديني ويجيبني كان لقيتيني لزقت ببيتي ..

انا قلت لازم نكيف نفسنا على هذه الغربة .. لانها سنين قليلة ونرجع للوطن بالسلامة ..

واختلاف الراي لايفسد للود قضية ياعسل :) ..

مرحبا شابوره ياحياتي على موضوعك الي اكثر من رائع و الي طالع من القلب بصراحه جاء في وقته يوم قريته لاني كنت زهقانه و طاقه معاي .انا من الناس الي الحمد الله زي ما قلتي نحاول نستفيد قدر المستطاع في هذي الغربه في تطوير انفسنا .لكن انا مشكلتي اني ابي ناسسسسسسسسسسس ابي احد اتكلم معاه طبعا غير الانجليز ابغا عرب لي سنه لوحدي ما عندي اي عائله عربيه و قبل كم شهر واحد من اصحاب زوجي جاء هو و زوجته و انبسطنا و لكن الان سافرت و رجعة حليمه لعدتها القديمه .لك الله يعين انشاء الله . عزيزتي شابوره بنسبه لتقديمك لاختبار قيادة السياره على فكره انا من الناس المؤايدين للفكره و جالسه اتعلم الان لكن حابه اعرف اش الكتب الي اعتمدتي عليها في الاختبار النظري و ممكن اعرف اسم الكتاب طبعا ان عارفه ان نظام السواقه عندكم يختلف عن بريطانيا لكن اريد ان اعرف اذا في كتب عربيه استفدتي منها .وجزاك الله خير