(تهادوا تحابوا)~..~..~..~أفكار كثيرة لهدايا مثيرة~..~..~..~شاركونا بأفكاركم المنيرة

اهلاا...اهلااا... بيك وبالهدايااا :icon28:

انا مررا احب اهدي مدري ليه ...

مره اهديت وحده والده .. 1_ كرسي طعام للطفل مراا حلوو من محلات الالعاب او سنتر بوينت

2- ووحده .. اممم مرجيحه تقدرين ترقدينها وتجلسينها فيها يعني لو كانت صغيره ترقدينها .. تصلح لعمر سنه اتوقع .. من محلات الالعاب

3- مره .. عربيه + قعاده فخمه . من محلات الالعاب

4- هديه عروس ... ساعه مع طقم لوشن وعطور وكريم وبودره وفواحه من نكتار تغليف حلوو

5- هدية عروس امون عليها ... دالوب جزم وانتم بكرامه ... قميل قدااا :)

6- هدية عروس طقم ذهب فقط .

7- هدية والده امم.. عربيه .. وخيمه بوسطها كور ... كانت قريبيتي عاجبتها من زمان وكان اول طفل قلت حطيها مع العربيه من محل الالعاب

8- ومره طاولة غيار حلوه معها رفوف للحاجات الطفل .. من محلات الالعاب

9- ومره طقم مفرش وشنطه مفرش صغير للتقديم ومفرش كبير من سنتر بوينت اللي يجيك اسباني مررا يواجه ولاهوب رخيص ..



ووووبس

وهذي لك :26: :42:


ويالله يابنات نبي افكار حلوه وقميله زيكم ...

ما شاء الله تبارك الله أفكارك مميزه

تسلمين على مرورك و أفكارك و ننتظر البقيه

أنا يوم ولدت بنتي البكر أهدتني وحدة من قريباتي كرسي حلو وخفيف من مذركير وحبته بنتي وصرت ما أستغني عنه أبداً..

ولما جبت ولد رحت اشتريت نفسه من مذركير بس لون ولادي وكان سعره 85 ريال..


وأختي يوم تخرجت أحترت وش آخذ لها هدية ولقيت محل ساعات رائع بمجمع الشراع مول بالدمام (ساعاته ماركة اسبرت) ومررررة حلوة وأسعارها رائعة ما تتعدي الـ 500 ريال.. وأخذت لها هدية ومررررررررة أعجبتها.. ولكن لما قررت أشتري ساعة ثانية ورحت لنفس المحل بمجمع (حياة مول) ما عجبني عنده حاجة..

بالنسبه للهدايا الوالده الحين صرت احب اهديها هي نفسها خاصه لو كان ثاني طفل لها بيكون كل اشياء الاطفال متوفره عندها من الاول
فيه كثير يحبو يهدو هدايا نقدية وممكن تحط مع بوكية ورد طبيعي او في صندوق صغير او مع دبدوب وكثير افكارها
وفيه هدايا فضية حلوه وتبقي ذكرى للابد ممكن تضيفين معها المبلغ اذا حابه او تدينها هي وبس لانها مره فخمه
وهذي صور جمعتها لكم من قوقل للفائده






بالنسبه للي بتتزوج او تخرج او حتى ولاده ممكن تكتبي اسمها او اسم طفلها او مجرد احرف ورموز على اكسسوار ممكن مطلي ذهب واسعاره دائم معقوله لكن قيمته اكبر من سعره بكثير
بتفرح فيها مره وبتبقي ذكرى حلوه للابد وشي يستخدم دائم
مثل هذي الاشكال






انا مره شفت وحده لابسه اسواره ونازله منها زي الدوائر كل دائره كاتبه فيه اسم من اسماء اولادها
مثل هذي الهدية خطيررررررررررره

هذي اللي عندي حاليا وحبيت افيدكم فيه
ولي عوده

مشكورة على الطرح

الفكرة الأولى سويت وسادة صغيرة وحطيت عليها علبة عطر وربطها بشريطة طبعا العطر بدون علبة

الفكرة الثانية باقة ورد طبعا الورد ماهو طبيعي إذا تبين طبيعي يكون أفضل تحطين فيها إما عطر أو سلاسل أو ساعة ثم تغلفينها أما بقماش أو بتغليف الهدايا وتربطينها بالشريطة مناسبه

الفكرة الثالثة صندوق خشبي يكون أفضل أو علبة حلوة وتحطين في داخله أما ورد مجفف أو ماينسبك وتحطين فيها الهداية الي تبين و تكون هديتين في وقت واحد

هذي الهدايا للزواج أو تخرج يعني للبنات

أما المواليد

إذا كان أول مولود فأفضل أنها تكون أشياء تساعده مثل ماقالوا خواتي

أما إذا كان ماهو الموالد الأول فأفضل تكون مبلغ مالي هي أعرف بشي لي تبيه