أكتب لكم وأنا أبكي طمنوني على ولدي؟؟

السلام عليكم ..


أنا والده لي تسع أيام وهذا أول فرحتي أول مولود لي ومن ولدته صدموني إنه يعاني من نقص الصفائح الدموية ونسبتها 37000 ونقلوا له صفائح دموية وصارت النسبة 74000 وبعدها بأسبوع حللت له طلعت النسبة 55000 خايفه عليه موووت والدكتور يقول هذا عارض يصيب المواليد وما فيه خوف طالما النسبه مانزلت تحت العشرين ولما سألته عن سبب نزولها عن ال74000 إلى 55000 قال بأن ال74 من الصفائح المنقولة مو انتاج جسمه لكن ال55 جسمه بناها وقال انسي ال74 وتخيلي إنه ارتفع من 37 إلى 55 وعطاني موعد بعد 4 أيام نعيد التحليل .. أنا مهمومة حيل وحزينه حتى نفسي أهملتها والخياط ذابحني وأنا بكرية حتى الأكل والأعشاب مو قادرة اهتم فيها بس اتخيل إنه يصير فيه شي حتى الليل ما أنام أجلس أراقبه أخاف يتعب ..

طمنوني وادعولي تكفووووون تعباااانه تعبااااااااااااانه ........

34 تعليق 13,880 مشاهدة

شاركي في النقاش

سجلي الدخول لإضافة تعليق.

التعليقات

34
  1. ياااعمري وكلي امرك لله
    اعرف وحده نفس المشكله بس التفاصيل مااعندي عنها خلفيه
    بس لدها بسم الله عليه حليوو ومربرب وماتقولين فيه شي الله لا يضره ياااارب
    انتي لاتهملي نفسك اكثري من الاستغفااار لها مفعول عجيب
    الله يشفيه ويشفي ولدي وجميع المسلمين
  2. @bnty_frolty

    الله يشفيه ويطمنك عليه اقري عليه كل يوم الفاتحه سبع مرات صباح وليل مع الاذكار والمعوذات واستودعيه عند الله
  3. @ryma_gdh

    ياقلبي عليك ان شاء الله ماعليه الا العافيه ولد اخويه كان كذا والحمدلله الحين يازينه عمره سنتين بصحه وعافيه اهتمي في نفسك ولاتخافين ووكلي امره لربك

تابعي تجارب أخرى من هذا القسم.