مبروك اختي مقدما على زواج اختك وعلى قدوم شهر رمضان الله يبلغنا واياكم وبالنسبة للافكار كالتالي 1)اكياس لعبايات الضيوف اي وحدة تجي تاخذ كيس وممكن تحطوا فوق الكيس تكت وتكتبوا الاسماء عليها او كل وحده تاخد الكيس معاها.
2)ادا البيت كبير استاجروا من محلات الاعراس طاولات مع كراسيها زي حق القاعات وضع على كل طاولة تلاجة قهوة وتلاجة شاي وتبسي فيه فناجين وسكر وصحن حلا مشكل بيتفور وبقلاوة او صحن شوكولاته وصحن معجنات مقاس صغير وتكون مغلفة بنايلون. عشان ترتاحوا من المباشرة .
3)بعد اكتمال الضيوف تقديم عصير فواكهة بارد او ايسكريم بما ان الجو حار.
4)بعدالعشاء خلوا بنات شباب ادا كان موجود او المباشرات 4او3 يمسكوا عود ودهن عود وعطر وممكن كريم معطر واي وحده تغسل يبخروها ويعطروها. 5)ادا حبتوا تقديم هدايا وتوزيعات.
6)ادا البيت صغير وما يمدي تجيبوا طاولات الضيافة ممكن تكون كالتالي في بعض المحلات تعملك علب زي الوجبه يعني صحن بلاستك ويكون لاصق الغطاء فيه ولونوا شفاف ياريت تكوني فهمتي الوصف المهم تطلبي منه الضيافة اللي تبغي تقدميها حلو ومالح مع بعض في نفس الصحن يعني مثلا في كل صحن حبة بتزا و1كبة1كروسون 1جاتواوكدا يعني والصحن متوسط الحجم وتعطوا كل حرمه صحن وتوزعوا تلاجات قهوة وشاي عند كل مجموعة وككاسات وكل وحدة تصب لنفسها .
وفي الاخير اتمنى اون افدتك ومايكون راسك وجعك من كثر الهرج حقي وشكرا:42: