أحتاج الإجابة على سؤالين لو سمحتو بنات

أول شي وقبل كل شي السلام عليكم ورحمة الله وبركاته

ثانياً أنا عندي سؤالين أو يمكن أكثر

أول سؤال عن الماسنجر أنا عندي ويندوز 98 قديمة صح المهم نزلت برنامج الماسنجر الخاص بها الإصدار وسؤالي هو أي من برامج الكاميرات تركب على جهازي ؟ وهل أسعارها غالية ولا رخيصة

وإذا كان الإصدار الجديد من الماسنجر ما يخليني أحتاج لتركيب كاميرا على جهازي ممكن تدلوني على المواقع اللي أقدر من خلالها تنزيل إصدارات ثانية غير ويندوز 98 لأني بصراحة لي أخ مسافر بحجة الدراسة وأمي متولع قلبها ودها تشوفوا بأي طريقة وقلت لها عن موضوع الماسنجر وهدت شوي أرجوكم يابنات الفزعة ترى أمي صايرة تطلع لنا بمواويل جديدة كل يوم تخيلوا ودها أخوي يرجع ويترك مستقبله تكفون يابنات ساعدوني الله يجزاكم عن الوالدة ألف خير

أختكم المحتاجة لفزعتكم نونة

4 تعليق 504 مشاهدة

شاركي في النقاش

سجلي الدخول لإضافة تعليق.

التعليقات

4
  1. والله أنا ما أعرف في الكميرات شيء

    والاصدار الجديد يحتاج كميرا ليش ما يحتاج

    أي ماسنجر يحتاج كاميرا

    أما الكاميرا للوندوز تبعك ما أعرف والله شيء عنها بس روحي المحل واطلبي كاميرا وعلميه عن الوندز حقك وراح يعطيك المناسب مع إني أعتقد ما فيه كاميرات خاصه لكل وندوز خذي
    أي كميرا وثبتيها ..

    أنا هذا اللي أقدر أساعدك فيه والله يعينكم ويعين الوالده .
  2. @perfict_nonah

    صاحبة الموضوع
    لكني أحتاج أعرف أنواع الكاميرات وأسعارها اللي تعرف تجاوبني أرجوكم
  3. @khto_frh

    عندج كاميرات LG تحصلينها على 125

    وفيه انواع ارخص يمكن ع 70 او 80

    وفيه اغلى

    يعني تقدرين تختارين اللي تبينه وتوكلي
  4. @almhbh_lkm

    هلا أختي إذا كان ودكم تشوفونه في الإصدارات الجديده اللي هي 7 و7ونص والظاهر الإصدار اللي قبله بس ماني متأكده كلها مايحتاج لك كاميرا هو لازم يكون عنده كاميرا أما إنتم لا أما إذا ودكم تشوفونه وهو يشوفكم هو طبعا لازم يكون عندكم وعنده كاميرا




    ودمتي لمن يحبك :
    المحبه لكم

تابعي تجارب أخرى من هذا القسم.