تجمع الموقنات برحمه الله (خبرات متبادله حول مراكز تأخر الحمل في مصر) الجزء16

انا و لا حاجة خالص فى البيت غير غسيل الاوانى بعد الفطور هههههههههههههه
ماما ربنا يخليها لينا يا رب مش بتخلى حد يحط ايديه فى الاكل ابدا
اما بالنسبة لغير البيت طبعا بروح اصلى التراويح فى المسجد و العشرة الاواخر بنصلى كمان قيام الليل و نفضل فى المسجد حتى طلوع الشمس و الحمد لله بتكون فى راحة نفسية فى الواحد غير عادية و مش بفكر فى اى حاجة غير العبادة

يا رب اكرمنا جميعا يا رب و ارزقنا الذرية الصالحة الطيبة انا و كل بنات المسلمين اجمعين

يالا تصبحى على خير يا احلى دودو

طمطم

حبيبة قلبى وحشانى من هنا لغاية 100 سنة قدام

اخبارك ايه طمنينى عليكى مبروك ياقمر على الشقة الجديدة وفعلا انا حاسة بيكى والله انك لما بعدتى عن عصابة الخمسة حسيتى بالفرق الشاسع وان شاء الله ياقمر النفسية هترتاح وكل شئ هيبقى تمام

انتى بس ادعى ربنا دايما ان الشقة تكون ش السعد عليكو وشغلى فيها قرآن بالليل وبالنهار وحصنيها دايما بالأذكار

وربنا يسعدك يا احلى عروسة

ميزو

ايه يابنتى الاجازة المعقربة دى
ايه ده ده انتى كان معمولك عمل للاجازة دى على قفا نملة حولة ده حتى الاسد ياعينى شكله كانم متمرمط وشعره منحول والذباب عليه والله تخيلت شكله وقولت اكيد ميزو متلخبطة ده ممكن يكون فار مش اسد

ولا مقلب اختك بتاع الولادة ده وانها ترجع فى كلا مها كده بعد ماروحتيلها

ولا ابن اخت جوزك ده يعنىكان لازم يأكل النسناس
والله ياميزو انا كنت بقرا مغامراتك دى وهلكانة من الضحك بجد اجازة تحفة ومش هتتعوض بحر ايه وفسح ايه ياشيخة
والله يابنتى انتى فكرتينى باجازة شهر العسل بتاعتى رحنا نقضيها فى اسوان والاقصر انا ماشفتش غير اسوان اما الأقصر بقى فقضيناها فى المستشفى مع مرات اخو جوزى اتسلبطت وعملت عيانة ودخلت المستشفى وبوظت علينا الفسحة