يا حريم انا ورطت نفسي والحين محتاره مدري وش اسوي

السلام عليكم

السالفه ومافيها اني كنت اشيل المسؤوليه عن زوجي
يعني انا اللي اشتري اغراض البيت
انا اللي اودي العيال مواعيد المستشفيات
انا اللي استقدم الشغالات وانا اللي احجز لهم واسفرهم
انا اللي اودي العيال للمدارس واجيبهم
وادرسهم واتابع مع مدارسهم
انا الكل في الكل حتى ملابس زوجي الداخليه انا اللي اشتريهم

لكن الحين يا بنات تعبت تعبببببببببببت خلاص معاد فيني

لا وفوق هذا مافيه حتى كلمة شكرا ...لا و ينتقد كل تصرفاتي وكل شي اسويه هذا اللي طفشني يعني مثلا يقول ما تعرفين تشترين خضار ما تعرفين تشترين لحم ما تعرفين تدرسين العيال
ومره جربت وقلت له خلاص خضاري ما تعجبك روح الله لا يهينك وجب لنا الخضار الزينه
زعلللللل وانتفخ وصار ما يكلمني ولا يجلس بالبيت وحاااااااااله

واللي من جد من جد زعلني اخوه سافر وقال له يبيه ينتبه لبيته وطلبت عياله وحرمته
وحضرته لو تشوفونه اي رساله تجيه من ولد اخوه او من مرة اخوه طيرااااااااااااااان يروح يجيب لهم اللي يبونه ويشتري لهم المقاضي واللي قهرني اكثر ماخذ الولد ولد اخوه موعد عنده تقويم اسنان اليوم

وهو ما عمرررررررره راح مع عياله اي موعد ولا دخل معهم مستشفى

ادري بتقولون غلطتك وتستاهلين وكل شي
ادري انها غلطتي بس ابي حل يا خواتي تكفون كيف انسحب من المسؤوليات اللي ما تخصني بدون ما يزعل :icon33:

124 تعليق 11,332 مشاهدة

شاركي في النقاش

سجلي الدخول لإضافة تعليق.

التعليقات

121
  1. @am_nsoooy

    ماينفع بعد ماوقع الفاس بالراس على قولتهم
    كان من الاول
    الحين لو مسويتي هدي الاشياء بيحسبه اهمال منك

تابعي تجارب أخرى من هذا القسم.