تقووووولي اقوول اسكتي لاتخليني اعطيك كفففففف ومنقهره وراه امها قد عطتني نقاب وشلحه

السلام عليكم ورحمه الله وبركاته



ودي احكي لكم يابنات معاناتي ومع وحده من عمااتي ودي اعرف وش الاسباب اللي يخليهاا تسوى كذا لانهاا محيرتني بشكل ماتتخيلوون
بالدايه انا قد ذكرت ان ابوي وامي منفصلين من عمري سنه وانا عايشه عند جدتي ماقصرت معنا صارت لنا كانها ام الله يعطيها الصحه والعافيه وطووله العمر ياارب
سالفه هذي عمتي من يوم اني عرفت نفسي من انا بزر وهي ماتواااااااااااااطني تكرهني مابلعتني خلقه كذا بس
وطبعا كبيره انا باعمار عيالها وبذكر لكم مواقف من مواقفهاا يوم ان بثاني متوووسط قام ولدها يتهبل ويرمي علينا اشياء وحنى نايمين طبعا كنت انا وبنت عمتي الثانيه طبعا بنت عمتي طلعت وهاوشت ولدها مدري ضربته المهم ولا قالت لهاا ولاشي موب عشانها ولاحب فيها تخاف من امهاا لانها الله يعينها لو بتغلط عليهاا وانا طبعا يوم طلعت ابهاوشه قامت تقول والله لو تقولين له شي لاعطيك كف
انا مت قهر وقعدت اصيح وبعد زياده على كذا راحت لوحده ثالثه من عماتي وقالت لها تنصحني احترم عمتي بعد وقحه ولااستحت طبعا انا علمت جدتي عليها قالت مانقدر نسويلها شي الشكوى لله وسكت انا غبيه لاعلمت ابووي ولاشي واستمرت حركاتها الاستفزازيه بس لي انا واخواني لانها حاقرتنا وتدري ماحد بيدافع فعشان كذا واطيتني وطي انا اخووي الكبير اكثر شي تكرهنا وقايله عن اخوي الكبير انه ميب تحبه الذيب ليش كذا بدووون سبب
وهي زي اللي تنقهر وتغاار على امها اللي هي جدتي وراه تعاملني كذا وتعاملها كذا انها تعاملني ازين مماتعاملها وقعدت سنين منقهره تردد وراه جدتي معطتني نقااب وشلحه هي من نفسها كذا ولا انا ماطلبتها <<= تخيلوو انتم بس السبب القووي

وبعد بتمووت وراه جدتي تحبني
عادتني كاني مرت اخووها مووب بنته راحت امي وقامت تحرقني انا وطبعا احيانا اكوون بيتنا ولااجي بيت جدتي فكيف تجيب خبري تروح تدق على شغالتنا وتسالها وراكم ماجيتوا بس لقاافه مو حب فيك طبعا
وبالاوقات اللي نصير فيها بيت جدتي وكذا مخليه شغالتنا انا واخواني شغااله لها هي وعيالها
جعلها منيب قاايله

وعد وغللط من الموواقف اللي تسويها بعد من يوم اني بالمتوسط الى اللحين وانا بالجامعه
مدري وش قصتهاا ولاادري وش تحس فيه طبعا صغير ميب صغيره عجووز انا قد عيالها وانا واخووي بس تكرهنا

موب بس انا محاربتني حتى اخووي من زود ماانها متسلطه عليه اخر شي مايسلم عليهاا من فعايلها معه
ولايواطن حتى يشووفهاا مجرمه بشكل بس الله يشووف ويحااسب الشكووى لله
ياابناات انا اللحين فيني حرررررررررره منها ماتتحيلوون انا ماعمري كرهت احد وهي كرهتها ودي انتقم منها والله عمري ماقلت هالكلام بس هالانسانه سوت لي حرب نفسيه ميب طبيعيه
فانتم وش رايكم يااخوات بالمووضووع وش دوافعها يوم انها تسوي كذا وش الحل اللي ممكن يصير معهاا
؟؟