شاركي في النقاش

سجلي الدخول لإضافة تعليق.

التعليقات

42

  1. @bnt_elgoood محررة

    #4958656
    غرشوب رعبوب... وش عطر البيبي اللي تستعملينه انا احب الوايت مسك حق بودي شوب وودي اغير هالمره او اخلطه بشي وش رايكم...

  2. @moagaa_lyl عضوة جديدة

    #4958716
    كيف حالكم ...... ان شاء الله تمام

    عن نفسي انا اخذت اكثر شي اغراض البيبي من بيبي شوب وفيه محل OBAIBI هو تابع لمحل اوكايدي موجود في المارينا مول في بوظبي وفي سيتي سنتر دبي ملابسهم اتجنن واسعارهم معقوله

    اما عن الملابس في محل في ابوظبي اسمه انا وطفلي يفصل ملابس نوم للأمهات هو غالي شوي بس روووووووووووووووعه صديقتي عامله عنده الصراحه ملابسها اتجنن
    وبعد الخياطين اللي في شارع المطار في بوظبي يخيطون ملابس نوم وايد حلوه واسعارهم حلوه ورخيصه

    وعندي اخر ملاحظه البارحه زرت الامارات مول في دبي ودخلت محل نعومي والله يا بنات ان المحل كببببببببببببببير وفيه كل شي غير عن كل الافرع اللي في الدوله فيه فساتين وفيه احذسيه وشنط وعطور وملابس نوم تجنن رووووووووووعه الصراحه انصحكم انكم ازورونه لأنه صدق يجنن وغير عن كل محلا ت نعومي اللي في الدوله

    وان شاء الله اكون افتدكم بشي

    والله يسهل علينا وعليكم ان شاء الله

  3. @mry_omh عضوة فعالة

    #4959007
    انا في العاده اجهز من بيبي شوب ومذركير.. لكن احب التغيير ..لني امل دوم دوم من نفس البضاعه ونفس المحل ..
    عشان جيه متابعه معاكم .. افيدوناا ...

  4. @ktrat_1 عضوة نشيطة

    صاحبة الموضوع #4961753
    بنت الجود
    العطر من بودي شوب هذا زيت عطري والا بخاخ؟
    عادي استخدمه للوليد؟ :D

    مواجع ليل
    هلا والله
    مشكورة على محل الاطفال اللي دليتينا عليه في سيتي دبي
    وبالنسبة لملابس الوالدات ما تعرفين بدبي من وين؟
    بوظبي شوي بعيدة علي!! :35:

    مريووومة
    حياج يالغالية..
    فعلا انا بسرعة أمل..
    مع ان هذا أول بيبي بس من كثر ما شفت أغراض بيبي شوب ومذركير على أطفال
    قريباتي زهقت منهم!! :09:
    وأبغي أنوع!!

    يالله وين البنات.. خليستمر التواصل.. :27:

  5. @ghrshob_raabob محررة برونزية

    #4963587
    هلا حبيبتي قطرات
    اسمحي لي طولت عليج بالرد انا افضل تشترين السله اللي تحطينها عدال سريرج يكون اسهل لج عشان يوم تقومين ترضعين الياهل والافرولات اللي في المذركير وايد حلوه ونوعيتها جيده بس حاولي انج تختارين مقاس يناسب المولود المتوسط يعني تلقين كلهم مكتوب عليهم نيو بورن بيبي بس تختلف بالكيلو خذي لج مقاس وسط يعني مثلا من ثلاثه كيلو ونص لين اربعه كيلو ونص خصوصا انج بكريه فمواليد البكريات عادة يكونون صغار الا اذا كنتي بسم الله عليج فيك السكر هنيه خذي لج مقاس اكبر
    اما الملابس الداخليه اذا بتربين في الشتاء اللحين يعني خذي لج شوي ملابس غليظه عشان البرد شي ملابس داخليه تلقينها بكم طويل وصوف وحتى هالفتره في اوفرولات في البيبي شوب حق البرد زينه تدفي الياهل
    السرير حبيبتي والله مادري عنكم في الشارقه بس عندنا في العين في محلات اثاث تبيع سراير حق الاطفال بكل الاحجام وتلقين منها سراير صغيره وكبيره وبسعر تقريبا نص سعرها في البيبي شوب وعلى فكره من نفس الماركه !!!! بس عشان البيبي شوب والمذركير محلات معروفه يغلون اسعارهم على الناس دوري يمكن تلقين
    انصحج هالفتره خذي اللحاف اللي اييج كامل بعد ماتربين حق سرير المولود يعني بعد ماتردين بيت عمج اللي ايي كامل شرشف وغطاء وتلبيسه للسرير على الجوانب و هاي اللي يحطونها فوق السرير بعواميد يسمونها اضني ناموسيه هاي زينه في الشتاء عشان الياهل تدفيه وخذي له لحاف صوف اسباني من البيبي شوب متوسط بس لا تسوين مثلي وتبالغين وايد في تدفئة المولود تراه بيستحر وبيتم يصيح يعني كوني وسط اذا ثقلتي لحافه خلي ملابسه قطن ولفته قطن تراه الياهل يتضايق اذا بالغتي في لفه وتدفئته خليج وسط لا تفطسينه خخخخخخخخخخخخ :D <<<<< كانت بتفطس بنتها بس الله ستر ولا تسوين مثل العيايز وتحطين لحاف صوف فوق السرير ديري بالج تخنقين الياهل ترى اعرف وحده خنقت ولدها من زمان حطت برنوص غليظ فوق سريره وغطته كامل كان يومها برد وايد وياحرام فطسته ومات :( غير اللفه الصوف واللبس الصوف ومادري شو فديرو بالكم خواتي تراه والله اتكلم جد :44:


    B!nt elGoOod
    العطر اللي اصبه حق الياهل مرات اشتريه من اجمل ومرات من سيد جنيد او القرشي يعني على حسب وهو عباره عن مخلط ريحته حلوه بس مب قويه اختاره بروحي واحط فيه شويت دهن عود مب وايد لانه معروف انه دهن العود يشرق الياهل فلاتكثرين منه وشي عطور مخلطه جاهزه تلقينها ريحتها حلوه وتميل شوي على المسك انا عادة اشتري حق الياهل لما اروح اصب عطر حق المستشفى للحريم اخذ لي نوعين مثلا عطر ريحته خفيفه وحلوه واخلطهم وازيدهم دهن عود

تابعي تجارب أخرى من هذا القسم.