استفسار بخصوص جهاز الـ psp سوني المحمول .. ساعدوووني

مرحبا

انا افكر اجيب لولد عمره 8 سنين الجهاز هذا



هو مررره حاب الجهاز وشافه عند قرايبنا ولعب فيه وعجبه حيييل بس ابوه رافض ويقول مو زين انه يلعب بهالالعاب يتنح المخ (وخاصة ان عنده تأخر وصعوبات بالنطق) :44:
يقول احسن لو يلعب بالكمبيوتر برامج تعليميه حروف وكتابة وكذا بس ولدي مل من الكمبيوتر وكل ما اجلسه عنده واشغل له برامج تعليميه مايكمل دقيقتين ويقوم ..
سؤااااالي :
هل الجهاز هذا اقدر انزل فيه برامج تعليميه من النت وهل تشتغل هالبرامج ولا بس مخصص للفيديو والعاب البلايستيشن؟؟
بليز ساعدوني وردو علي بجد انا محتاجه اعرف .. لأن الولد مره متحمس للجهاز وانا قلت لابوه اني انزل فيه برامج تعليميه علشان يتحمس يتعلم ويقرا ويكتب دام انه حاب الجهاز

منتظرة ردودكم :26:

6 تعليق 1,085 مشاهدة

شاركي في النقاش

سجلي الدخول لإضافة تعليق.

التعليقات

5
  1. هذا مثل السوني بالضبط .. الفرق أنه محمول والسوني جهاز وتلفزون ألــخ ..

    كلـه ألعاب ومدري أيه .. أخوي معه مثلـه بالضبط .. بس تبين الصراحة ..

    دام ولدك عنده تأخر في النطق والأمور هذى .. ما أنصحك في هالجهاز ، لأن لو أخذه بينطوي بغرفته وما يطلع ولا يتكلم بس عيونه ع الجهاز ويلعب .. وينسي اللى حولــه ..

    هالجهاز يصلح للي عيال ، مهبلين فيه ، يهجدون فيه ............

    قلت رأيي ولا تزعلين مني .. أستغفر الله واتوب اليــه
  2. @asmaaa_23

    صاحبة الموضوع
    اهلين اختي

    ابوه قال نفس الشي قال بينطوي وبيقابل الجهاز 24 ساعه وبينسى اللي تعلمه بعد
    بس انا كنت ناويه اجيب له الجهاز واحمل فيه العاب تعليميه لأنه حاب الجهاز ومنه يستفيد
    بس اذا كان حق لعب وبس ماينفع
    المشكلة هو مهبل في وشقي مررره
    الله المستعان
    مشكورة ماقصرتي
  3. ولدي عنده مثله والله ندمت اني شريته له طول الوقت بغرفته ويلعب فيه عيونه طلعت مسكين مو راضي يفارقه كل من ابوه شراله هاللعبة مع اني رافضته تماما وانصحك لاتشتريه لانه الولد بينطوي عليه اتمنى اني افدتك
  4. @mhaaoy_1

    ولدي عمره 5سنوات عنده go psp الجديد

    ممكن يدخل على النت زي الاب توب ويحمل منه افلام والعاب واناشيد بس برامج مدري اسألي البائع افضل ....

    مريحني في السياره بصراااحه لانه من النوع اللي مايجلس ويده فاضيه حرك على طول ماشاء الله صار يهجده شوي

    بس حالت ولدك خااااصه مااتوقع يصلح له لانه لازم يكون اجتماعي واشتري له اشياء تعليميه افضل

    اقرئ عنه اكثر ممكن يكون مناسب له ويستفيد منه

    تقبلي مروري
  5. @kmr_ngd_11

    هو فيه العاب للجمع والعد والتميز الاشكال يعني انتي اللي تختارين الالعاب اللي تخزنينها فيه وإذا الولد نفسه فيه خوذيه بس حددي له وقت يلعب فيه وترى فتره وهو من نفسه يتركه

تابعي تجارب أخرى من هذا القسم.