السلام عليكم ورحمة الله وبركاته
اخواتي في الله مالي بعد الله غيركم قبل كم يوم رحت للطبيب و عطاني ابر تنشيط وقال ارجع له بعدها بخمسة ايام يقيس حجم البويضات وبعدها يعمل لي تلقيح صناعي
سؤالي هو هل فيه الم هالتلقيح؟ مثل الم اشعة الصبغه
هل فيه وحده جربته وحملت من اول مره
وبعده كم لازم استنى لين تجي الدورة؟ وهل بيطلب الطبيب اتابع معاه ولا راح يقول استني الدورة وخلاص
تكفون ابي اي وحده جربته تقول وش صار معاها للأخير وكيف كان احساسها وقت العمليه هل فيه الم وهل يتابع الطبيب دخول الحيوانات ولا بس يضغطها وبس محتاجه تقولون لي وتطمنوني لاني مره خايفة و متردده اسويها او لا
ادعو لي ربي يرزقني الذريه الصالحه
شاركي في النقاش
سجلي الدخول لإضافة تعليق.
التعليقات
10- لا توكلي على الله المها مو مثل الصبغه
هو مثل فحص النساء ويدخلون انبوبه صغيره جدا ماتحسين فيها ويحقنون فيها الحيوانات المنويه بعد مايعطيهم زوجك العينه بالمختبر راح يحضرونها وبعد ساعه او سااعتين تجهز ويبدون معاك التلقيح
توكلي على الله اهم شي تقرين وتستغفرين وتسمين اول مايبدا الدكتور الحقن
وبعدها ان شاءالله باسبوعين تسوين التحليل
انا اول مره سويتها صار حمل بس ماكمل كان ضعيف وناس حملوا عادي وكمل حملهم اهم شي النفسيه تكون حلوه
الله يثبت لك اياه وتحملين ويرزقك ويرزقناااا يارب ياكريم
وان شاءالله مايجي العيد الا وانتي حاامل :) - اللهم أني أسألك بأن لك الحمد لاأله إلاأنت المنان بديع
السموات والأرض يااا ذاالجلال والإكرام ياحي ياقيوم ان
ترزقـــــــــــني أنا وأخواتي بالحمل الثاااابت التام 9 اشهر
واقر اعيننا بذرية صالحة باره
وصلى اللهم على أشرف الخلق سيد المرسلين محمد
صلى الله عليه وسلم وعلى أهله وصحبه أجمعين - عادي سهله مره ياقلبي لاتخافين سويتها بعد اخذ العينه من زوجي وجلست كم ساعه وجابها وتحقنها فيك الدكتوره من غير الم صراحه انا كنت بمووووووووت خوف واتنافض من الخرعه بس ربي عداها وبعدها جلست ساعتين ورحت البيت بس اهم شي ء الراحه التااااااااااااااااااااااامه وعدم الاجهاد ولاتشلين ثقيل ولاشيء وتجلسين 14 يوم وبعدين تسوين التحليل او تستنين الدوره اذا تاخرت عليك وبس
ربي يطمنك ان شاء الله وتحملين وربي يعوض خسارتي من العمليه واحمل من غير مستشفيات - تطمني الموضوع أبسط مما تتخيلين والبنات ما قصرو في الشرح الله يطمن بالك..
DaNa 77 لا توكلي على الله المها مو مثل الصبغه هو مثل فحص النساء ويدخلون انبوبه صغيره جدا ماتحسين فيها ويحقنون فيها الحيوانات المنويه بعد مايعطيهم زوجك العينه بالمختبر راح يحضرونها وبعد ساعه او سااعتين تجهز ويبدون معاك التلقيح توكلي على الله اهم …
الله يجزاك الف خير ويرزقك باللي يتمناه قلبك قادر ياكريم
مواضيع مشابهة
تابعي تجارب أخرى من هذا القسم.