يااااابنات يللا كل وحده تكتب لنا عن طبايعها الغريبه ..............دعوة لتغير الجووووو

موضوع روعه انا ماحب اشرب الشاهي الا بكاسه السيف يعني بادريق نهي نهي نهي

وعندي عاده مجننتني عجزت اتركها واللي تقرى وعندها حل تقولي>>>قلبت السالفه شكوى
المهم هي اني اقطع اضافري باسناني بقوه واتندم وانقهر وصار منظر اضافري مخيف تعبت وانا احاول اتركها تهي تهي
ابي لي اضافر مثل الناس


وعندي عاده مانام الا والجوال بايدي اقرى او العب

وقبل وانا ادرس قبل اتزوج
ماحب اذاك ايام الامتحانات الا الكل نايم حتى لو بغرفهم صاحين ادخل عليهم واهاوش متى تنامون>>>هعهع

ههههههههههههههههه
والله عاداتكم تضحك


اماعن نفسي ماكل الموز ولا الكيوي ولا العنب ماحبهن
والحم اكره شي الحم لاريحته ولا طعمه ولا حتى نكهته
والقهوه مااشربها لا انا ولا اهلي ابوي وامي واخواني كلنا مانشرب القهوه واكثر شي نحبه الشاهي ماشرب الشاهي الا مع حليب السعوديه بس
واذا قمت لازم اشرب اقل شي 4 اكواب ماء
ماحب اكل شي طعمه حامض حلو
واذا طبخت شي ماكله اكره واذا طبخته كثير اكره ولا اشتهي اكله ابد
والجريش ماحب الا جريش امي غيره ماكله ماستسيغه ولا يعجبني


وعند النوم
لازم ادهن رجولي والبس شراب واتغطى بطنيه وادخلها بين رجولي
واحب احظن مخده اذا نمت
وتكون الغرفه ظلاااااااااااااااااام دامس ولاصوت
اما زوجي عكسي تماما لازم ازعاج والنور مفتوح علشان ينام

واذا كنت جالسه ومتوتره ابدا اهز برجلي
هذا الي اتذكره اذا تذكرت شي قلته لكم

عني انا مااحب انام الا على بطني ويديني تحت راسي احب اجمع الاكل كله بصحن واحد مثلا رز وسلطة وايدام احب اضيف الكاتشب مع الرز ومستحيل اشوف شوربة الكويكر ومااضيف الرز عليها احب الحس خليط الكيك ومستحيل ادخل حمام غير بيتنا الا بالسفر صعبة اجلس كم يوم :09:ولازم اذا جيت اتحمم اخلي الباب مفتوح شوي انكتم من حرارة الموية

انا الشي الغريب بطبعي احب انظف بيتي يوميا حتى لو كان نظيف واذا ما نظفت اشعر بالاكتئاب

انا من عاداتي الغريبة احب انام على السرير وانا مايلة يعني / ولما تزوجت تعب زوجي معي إلى درجة انه في يوم من اليام طاح من فوق السري من شدة الضيق بس بالأخير تعود على نفس النومة و صرنا انام / / وبعد من عاداتي احب آكل الكراث مع الكتشب و الخبز كلن يقولي الله يحوم كبدك بس احبه ويا كثر العادات الغريبة