أهلين بالحلوات
مبارك علنا وعليكم الشهر والله يبلغنا أياه بصحة وسلامة
قعدت مع نفسي مرة وأنا أشوف عيالي _الله يحفظهم _ وقلت بنفسي ياترى راح يذكرون هالمواقف لنا وأحاول أتذكر طفولتي أنا ومتى أول شيء تذكرته بمعنى حاجه بعيدة بالمرة ........
ولقيت الآتي هاتي :
1 - لقيت نفسي أشوف سيارة وحولها أطفال ( والدنيا عجاج بالمرة ) وبس حاولت أتذكر ماني قادرة أكثر من كذا.
2 - والثانية أشوف بحر وعليه باخرة كبيرة بالمره .
دارت هالصورتين براسي بالمرة وقلت من وين جبتهم مأذكر شيء أقوى وسألت أهل الخبرة
الوالدة - الله يحفضها -
وقعدت تتذكر الموقف الأول وقالت : يمكن لما كنا بالبر لأنك كنت صغيرة وخفتي
أما الموقف الثاني فخافت وقالت : مستحيل بسم الله عليك يابنيتي , هذا لما كنا في سوريا بس كنتي بالمرة صغيرة وماعاد رحنا لها مرة ثانية مستحيل تذكرينها وقفنا بطرطوس شوي ورجعنا للسعودية لأننا أتسرقت مننا فلوس الرحلة فقرر أبوك نرجع كان عمرك وقتها 3سنوات
هيا بنات :icon28:
كل وحدة تتذكر وتنبش بالذاكرة وش أبعد شيء تتذكرة وماتقدر تنساه أبد
يعني بالعربي حاط رحاله بذاكرتها ومايمحيه العمر.
أبي تفاعلكم خلنا نقلبها فرفشه خوفي تكون العكس عند البعض أقصد من موضوعي
البحث عن أبعد ذاكرة وبس
والفائزة بنا لها :26:
شاركي في النقاش
سجلي الدخول لإضافة تعليق.
التعليقات
14- مااذكر وش تعشيت امس:(
بي فقدان ذاكره رهيب بعض الاحيان انسى اسماء صديقاتي واقاربي :(
يقولون انها من علامات العين الله يكفينا الشر - صاحبة الموضوع #49634161عادي أنا أنسى اللي أمس صار لي لكن ليه هالصورتين بالذات بالبال ماأدي ؟؟؟؟
قصدي كذا متى الطفل يسجل ولا ينسى معروف الكبير ينسى أكثر من الصغير والنسيان من نعم الله على الإنسان ... - جت ببآلي صورة أبوي الله يرحمه :(
وقتهآ كآن عمري 5 سنوآت وطحت مع الدرج على اقبالته وكآن معه طبق بيض ..
حذفه ع الأرض وجآ طيرآن عندي .. آآآهـ بس اشتقت له :(
وبعد جآ ببآلي موقف مره كآن مسآفر ولمآ رجع استقبلنآه أنا وأخوي نركض طبعاً ..
وبعد ماسلمنا عليه وحضناه أخذنا شنطته وهجينا بندور الهدايا .. قام يضحك الله يغفر له ..
آسفة مواقفي حزينة جرحي لسا ندي :( - أتذكر قبل ما أدخل المدرسه كنت متعلقه باختي الكبيره جدا كانت بالنسبه لي الام حزنت بعد زواجها حنت عليه هي وزوجها واخذوني معهم مساكين
بس من كثر ما كانت مميزه حياتي معهم هي اجمل فتره في طفولتي من الذكريات كان زوج أختي يمرجحني ويجيب لي ألعاب ما كنت احلم فيها وفساتين
ملاحظه غير متوفره في منطقة اهلي
وامه كانت تمرس لي تمر في القهوه ياعيني على الذاكره
ومن اجمل ذكرياتي كان عندهم كلب أسمه عزام قطعت قلبه بالمطارده
والله ما قصرت الذاكره لسى بخير - ههههههه بقولكم
بس مو تضحكون علي
اقدم شيء أذكره
كنت لابسه فستااااان أحمر وبنروح لزواج أذكر السيارة وكنت راكبه قدام بعد بين السواق والكرسي الي جنبه
اما غيره لا والحين صايره نسااااااااسه يشكل مريع جدا
مواضيع مشابهة
تابعي تجارب أخرى من هذا القسم.