شاركي في النقاش

سجلي الدخول لإضافة تعليق.

التعليقات

2,241

  1. @dodaaa_1

    مصريه وبحب مصر
    بنات انا عاوزه اخد أرائكم في موضوع طبعا انتم عارفين اني بلعب رياضه عشان اخس واليومين دول فتره تبويض زوجي زعلان مني وبيقولي انت كدا مش بتدخي بالاسباب وقفي الرياضه لحد ما تتاكدي انت مش حامل طبعا اسبوعين كتير وانا ما صدقت ان جسمي اتعود عليها…
    زينب
    حمدالله عالسلامة
    ان شاء الله ربنا يكرمك عاجلا غير آجل
    مصرية
    ربنا يبعدكم عن الجنوب وتروحو مكان احسن
    من اللي كنتم فيه
    علي كلامكم علي مصر يا مصرية\امبارح واحد سعودي راجع من مصر
    فجوزي قابله وبيقوله عامل ايه اتبسطت؟
    قاله:الا اتبسطت
    ده انتو عندكم- مصر- يادكتور
    عجبتني الجملة قوي
    ربنا يحفظلنا مصر يارب
    بالنسبة بقي لموضوع الرياضة
    فهو حاجة تحير فعلا
    بس المفروض في نص الدورة التاني تهدي اللعب خالص عشان لو فيه احتمال حمل
    انا كنت لسة بفكر في حكاية ان الواحد منننا بيقعد سنين كل شهر يعيش الحلم ويعيشه يعني تحاسيبي في الحركة يعني تعبانة ومتاخديش دوا وآخر الشهر .......
    الحمد لله
    توفي
    عاملة ايه في جنوب افريقيا
    بتخرجي؟؟
    فاطمة
    ازيك ياجميل؟؟
    هنا مش فيه حد متجوز غير واحد بس بيشتغل مع جوزو في نفس الصيدلية يعني جوزي عندي جوزها في الشغل والعكس واحنا لازم جوزنا يودينا ويجيبنا احنا مش في نفس العمارة
    وجوزي بيقعد معايا حوالي 3 ساعات في اليوم وبيكون فيهم عدا او عشا فصعب ينزلني ويقعدهم لوحده
    الاهم من كل ده اني مش بستريح معاها قوي
    بس خلاص انا اخدت علي كده
    الحمد لله هانت
    ماما
    ربنا يعينك عالشغل وتفضيلنا زي زمان
    ام اياد
    زوزة
    قطوس
    ازيكم؟
    　

  2. @boba_boba

    د.وداع
    زينب حمدالله عالسلامة ان شاء الله ربنا يكرمك عاجلا غير آجل مصرية ربنا يبعدكم عن الجنوب وتروحو مكان احسن من اللي كنتم فيه علي كلامكم علي مصر يا مصرية\امبارح واحد سعودي راجع من مصر فجوزي قابله وبيقوله عامل ايه اتبسطت؟ قاله:الا اتبسطت ده انتو…
    صباح الخير عليكم جميعا

    وكل سنة وانتم طيبين خلاص رمضان فاضل عليه ايام وينور بيوتنا وقلوبنا
    يلا نشد حيلنا ونعبد ربنا فى شهر رمضان ده كما لم نعبده من قبل

    يلا كل واحدة فينا تنوى نية انها تعملها فى رمضان وتحاول فعلا انها تلتزم باللى هتنويه

    انا عن نفسى نويت ما اتفرجش على التليفزيون على قد ما اقدر واحاول استغل كل لحظة فيه فى العبادة

    يلا كل واحدة تقول ناوية على ايه

  3. @boba_boba

    مصريه وبحب مصر
    بنات انا عاوزه اخد أرائكم في موضوع طبعا انتم عارفين اني بلعب رياضه عشان اخس واليومين دول فتره تبويض زوجي زعلان مني وبيقولي انت كدا مش بتدخي بالاسباب وقفي الرياضه لحد ما تتاكدي انت مش حامل طبعا اسبوعين كتير وانا ما صدقت ان جسمي اتعود عليها…
    مصرية انا عاوزة اقولك انى الشهر اللى ربنا اراد وحملت فيه كنت بلعب رياضة سويدى وايروبكس وساونا وكل شئ وفضلت العب بغاية اليوم ال 32 ودورتى بتبقى كل 28 يوم ومكنتش حاطة فى بالى موضوع انى ممكن ابقى حامل لكن سبحان الله لما عملت التحليل على يوم ال35 وعرفت انى حامل كنت موقفة الرياضة بقالى 3 ايام بس
    انا مش بقول ان دى قاعدة بس كل شئ بأمر ربنا انتى ممكن تخففى فى الرياضة شوية ومش تتنططى بس المشى عادى جدا واللى ربنا رايده اكيد هو اللى هيكون وان شاء الله الرياضة يطلع وشها حلو عليكى انتى كمان وتطلعى حامل بإذن الله

  4. @boba_boba

    ماما1983
    مسائكم سعاده يا اخواتي الحبيبات مش حقدم اعتذرات بجد انا مقصره ريموا انتي الي احلى غنوه منوره الملف والله انا بحس من الخجل منك من كثر ما انتي مهتمه بينا قلقانه علينا وكانك قلقانه على نفسك ربنا يكرمك يارب واشوفك ديما سعيده يارب عزيزه واح…
    ماما

    حبيبة قلبى على فكرة انتى وحشانى جدا ومتخافيش مش انتى لوحدك اللى مقصرة كلنا مقصرين وانا اولكم بس ربنا وحده يعلم انه غصب عنى بجد
    وفعلا نفسى اعيش شهر عسل من جديد
    بس الفترة دى حاسة ان فى فتور جامد جدا مابينى وبين جوزى ودى اول مرة تحصل لنا من ساعة ما اتجوزنا
    انا عارفه انه ممكن يكون بسبب موضوع الحمل وان الهرمونات فى الجسم ببتغير لدرجة ان الواحد مش بيبقى عنده نفس حتى انه يهتم بنفسه زى الاول هو مش قادر يستوعب انى تعبانة جسمانيا ونفسيا بسبب الحمل ومتخيل انى مابقيتش اهتم بيه زى الاول وده لانى لابقيت اضحك ولا اهزر معاه زى الاول ولا بقيت قادرة اخرج نتفسح زى الاول حتى طلبات البيت لو خرجت معاه اشتريها برجع تعبانة جدا + كمان ظروف الشغل اللى بمر بيها اليومين دول

    انا مش بعرف اعمل شريط الحمل ده ياماما وخايفة لو عرفت اعمله انى احس ان المدة اللى فاضلة طويلة قوى
    انا فى الاسبوع الخامس عشر و ان شاء الله ربنا يكمل الفترة اللى جاية على خير وتكون موعد الولادة على شهر يناير

    عقبالك ياماما يارب انتى واوكسى وام مريم وطمطم وشيمو ومصرية ونادو وتوفى ولومى ووداع ومصرية وقطوس وعزيزة وام اياد وكل البنات اللى هنا فى المنتدى وفى الدنيا كلها يارب

    والله ياماما ربنا هيكرمك وتحملى فى تؤام قريب جدا ان شاء الله

  5. @mama1983_1

    مصريه
    لا جديد حتى الان لسه بنلم في الفلوس وربنا يسهل
    اما بالنسبه للرياضه طالما مفيش عنف ونط يبقى ما تخافيش المشي الخفيف مفيد بعدين البيبي بيبقى خليه لا ترى بالعين المجرده لكن بعد ما نفحص الحمل لازم نرتاح لان البيبي بيبقى كبر وتقل في الوزن
    بوبا
    واانتي كمان وحشاني بالاكثر يالله شدي حيلك هانت قربتي
    انا حشجعك انا بقاطع كل مسلسلات رمضان وما بفتحش الا الرساله اقراء والناس بس وانا في المطبخ لكن كل التلفاز مقاطع
    اما موضوع اكتئاب الحمل احنا مشكلتنا عدم الصراحه انا جوزو متعود لاني من شهر العسل تناقشت معاه اني عندي اكتئاب حاد في الدوره طبعا سعتها مكنتش اعرف ان عندي انخفاض حاد في البرجسترون وان ده هو غالبا السبب الحمد لله دلوقتي الحال احسن بعد العلاجات الي استعملتها المهم انا لما بحس اني تعبانه نفسيا بتكلم وبحكي لجوزو اني تعبانه نفسيا بسبب الدوره واني مش طيقه الهدوم الي عليا وبقول ان هو الحاجه الوحيده الي مسلياني واتمسكن واتدلع عليه تخيلي الراجل بتعجبوا الحركات ده اهم حاجه انك توضحي لجوزك انك عندك اكتئاب وان السبب الحمل وان هو ملهوش ذنب في الحكايه ده وان بالعكس هو الي مصبرك بصبره عليكي وتفهمه لحالتك

تابعي تجارب أخرى من هذا القسم.