صباح الخير كروشات :)
أخباركم...؟؟؟؟
والله امبارح بعد ما حطيت راسي ونمت وغفيت
إلا وبعد ساعة تقريباً أتشردق بريقي
وقمت وكان نفسي مقطوع....
ومش قادرة أتنفس أبداً!
المهم وبعد أكتر من ربع ساعة من المعاناة شربت ماي واستغفرت ربي
والله حسيت بيني وبين الموت شعرة (تخيلوا من شردقة كان الواحد راح يموت!)
والحلو في الموضوع إني لوحدي في البيت: بنتي عند أهلي وزوجي مسافر
وابتدت الوساويس ترووووووووح وتيييجي
أحس حالي بدي أموت
وبعد ما هديت ورجعت حطيت راسي عالمخدة اتخيلت حالي بجد إي لو متت شو كان صاااااار؟؟؟؟
وغمضت عيوني وأنا بتخيل هالموقف...
ولو تعرفوا......
ما أجى ع بالي أي حدا غير بنتي حبيبتي الله يحفظلي إياها
وقمت كمان مرة من النوم مفزوعة
لكن بعدها الحمد الله "هو الذي أحيانا بعد ما أماتنا"
أنا صحيت وهلأ بالشغل وعم بحكي معاكم
تحياتي للجميع
"¨°°o°°¨]§§[¨°°o°°¨"
متابعة النقاش، صفحة 292