العاقله تدخل وتسدح رايها في موضوعي.....

3 أغسطس 2010

السلام عليكم

كل عام وانتم بخير ..

بدون مقدمات انا بقولكم قصتي بس ابيكم تشوفون انا غلطانه والا لا ... زوجي من النوع اذا اشترا شي لنفسه تذكر اخوانه واشترالهم او اذا بيجيب شي لواحد فيهم يذكر الباقين .. وهذي صفه حلوه فيه

وقبل الزواج كان اذا اشترا شي لامه كمان جاب لمرت اخوه الكبير الي هي سلفتي حاليا ..الين الحين كل شي تمام

طيب بعد الزواج لان تزوج هو واخوه مع بعض(يارب فهمتوا)

صرت لما اطلب شي يقول واخواني ؟؟؟(على باله انهم بيتحسسون اذا انا معاي شي وهم لا)
احنا السلفات اتفقنا من البدايه كل وحده لها خصوصيه يعني اذا نفسها بشي لاتقول وسلفاتي!! يعني لاتربط نفسها فينا.. تاخذ راحتها

نجي للمضمون قبل امس كلم امه وقالت نفسي بكذا كذا قالها اوكي تامرين بعد ماقفل قالي وحريم اخواني؟؟؟

قلتله انت مجبور في امك هم مالهم دخل امك شي وهم شي ثاني بحكم ان احنا مغتربين لازم اذا رجعنا نجيب هدايا فهو مفكر اي شي بيجيبه لامه لازم سلفاتي معاها..

انا ماقول لا تشتريلهم شي بس امك اذا طلبت شي جيبلها هي وبس وحريم اخوانك نجيب لهم اشياء ثانيه ونزيد لامك معهم..وحتى اذا اشترينالهم زي بعض بس مو بكل مررره..

انا احسه للحين ماستوعب انه ايام التحسس راحت بس كانت باول الزواج
والحين الوضع عااادي كل واحد يشتري الي يبيه

اوضح لكم انا احنا كلنا ببيت واحد كل واحد له جناح وشغلهم شغل واحد

يعني اي شي تسوينه بيعرفون

طيب قبل فتره سمعت انه اخوانه الاثنين الي متزوجين اشتروا ثلاجه صغيره لغرفهم ليش ماذكرونا بالرغم ان غرفتي عندهم

بنات يارب فهمتوا علي يعني بالمختصر ان زوجي ياخذ هم اذا اشترا هو شي اخوانه يزعلون ليش ماجبت لنا...... مايدري انهم اذا يبون شي ما نجي على بالهم
يعني يشيل من باله فكرة التحسس الحين كل واحد عايلته بدت تكبر وكل واحد له احتياجاته الخاصه
وترا الجيب واحد

انا غلطانه والا لا؟؟ واذا ايه ياليت تقولو في ايش بالضبط

واذا لا كمان ياليت تقولون لي ايش الي لازم اقوله لزوجي بدون مايزعل

استنى ردودكم :26:

العاقله تدخل وتسدح رايها في موضوعي.....

التعليقات

الشروط الواجب توافرها فى الحصول على عاملة جيدة

قبل ما تستقدمين عاملة منزلية.. لا تختارين على الجنسية بس 👀

وقفت وياها، حتى لو خالفت كل العائلة

هل انا مخطئه مع العامله !!!!

السكن مع عائلة زوجك هل هي ميزة أم كابوس؟؟ 😤😓