تعالي وأدخلي نبي نشوف قوة ذاكرتك !!!

يووووووه

اذكر اشياء كثيره

فيه شي ما انساه ابد

كان عمري بحدود 4 سنوات ابوي بالمسبح وشايل اخوي الي عمره6 ويعلمه يسبح

انا كنت اتفرج وتحمست وطبيت وماكان حولي احد وابوي ماشافني كان داير ضهره جهه ثانيه انا عاد بديت انزل تحت

الضاهر اني اذكر من روعه المسبح

المهم ابوي لمح حركه المويه وجاني بسرعه وطلعني

يمكن شربت وقتها وايت مويه

يوم طلعت وجلست وارتحت قال لي ليش تطبين وهو معصب علي قلت هماني صامتن حشتي << ياحبيلي

الترجمه .. يعني انا مسكره شفتي عادى

الموقف الثاني كنت بحدود 5 سنين

كنت انحاش من بيت جدي لمحل يبيع مفارش سراير واسفنج
واقوله ابغى نص النص قبل 25 سنه كان يحكي

اخذ نص ريال منه واروح البقاله اشتري علوك وارجع البيت.. يقولون لي من وين اقول من المصريه وهم يعرفون لان الي يعطيني يعلم جدي دايم علي

والمصريه ساكنه فوق الصق بها

انا اتذاكر المــــــــــواقف المهمه بس ... اللي فيها حدث كبيييييييييييير اما حياتي العاااااديه لا بصراحه ماذكــــــــر


بنااااااات ليش قلبتم الموضوع حززززززن والله اني اقراء ودمووووووعي اربع اربع ...:icon33::icon33:

تذكري المـــــواقف اللي نبسطي فيهــــــا :)... انسي المــــواااقف الحزينه ...:44:

بصراحه انا انسى احداث قريبه بس فيه اشياء استغرب من نفسي اني اذكرها
وحتى امي تتفاجا اذا قلتها لها لما اقول لامي سالفه صارت لنا اول مره رحنا فيها مصر وكان معنا صديق ابوي واتذكر سوالفه مع ابوي وسوالف بنته وزوجته معنا تتقاجا امي لان عمري 3 سنوات وقتها
واتذكر ايام المطر اللي كانت تغرق الشوارع ونفس الشي هالاحداث صارت وانا عمري حول 3سنوات
واللي بعدها اذكره مره كانه قريب اذكر اول يوم رحت المدرسه وش صار واذكر وجه المراقبه سبحان الله كانه حلم بس احس اني اذكر الحمد لله
بس يارب عيالي مايصيرون يتذكرون مثلي كنت ام بزره ولعبت فيهم بصراحه عساهم مايشيلونها علي بس
الله يعطيك العافيه عالموضوع

حلوة ذكرياتكم
عمة الحلوين ضحكتيني على عيالك مثل حالي والله أن ذكروا ماأسويبهم ( رحت وطي ).
ثابتة على قيمي : ليه الدنيا لس بخير وإذا فيها المر بيكون فيها الأحلى إن شاء الله .
طاهرة النوايا : والله أنك ملقوفة على طبت المسبح ذكري أبوك هو يذكرها ولا لا .
أمي أغلى ماعندي : أكيد بصمات المربي لها دور وبتاخذ الأجر عليها من رب العباد على كل حرف علمتك إياه.
Naoa:حاولي تتذكري والله تسلايه .


يالله ننتظر الباقين. وش عندهم من ذكريات
ولمن تكون الوررده .............ههههه