هل اساعد زوجي ببناء بيت ولا لا؟؟>>استوفي الردود

من حقك لما تشاركين يسجل واحد من الدورين باسمك وأنا أنصحك تخلين الدور الأرضي لك ولو عندك أولاد شباب خلي الشقق لك عشان مستقبلا تكون لك تدرين ليش أقولك ساعديه وأضمني حقك لأنه وببساطه بيقعد ينكد عليك حياتك خالتي رفضت تساعد زوجها صارت حياتها نكد يدخل معصب ويطلع معصب أنتي لو زوجك طيب صدقيني مو حسافه فيه بلأخير لكم ولعيالكم

حاولت أقرأ الردود لأني انا نفسي يحتاج لي حد يصحيني خصوصا اني في بداية زواجي,,

ابويا الحمل الوديع طلق امي بعد ثلاثين سنة وخلفة تسعة عيال,,

طلق الثانية وبعد ماكملت العدة وحتى انه مارجعها طلقها الطلقة الثالثة وهي ماتدري!! يعني بالعقل كيف

يطلق وهي اصلا مش على ذمته,,حتى جزء من اخواني باعونا واتخلوا عننا لان ظروفنا ( امي والبنات) صارت

صعبة ويعتمدوا عليا كمصدر دخل,,وكل هذا لاني امي شاركت ماديا وبالجهد لانها كانت تغيب عننا بالشهور

تسافر وتخلينا عشان تبني البيت ومخدتها كيس الاسمنت!! كانت امي طول عمرها تترجاه يطلقها وماكان يرضى

لان براسه هدف هو انها تكمل له البيت,,الان ايش وضعنا؟ محاكم وبهدلة بين الناس واخرتها امي تمسكت

بموقفها وساكنة حاليا في الدور اللي فوق وهو في الدور اللي تحت لحتى صدور الحكم,,اول امس شفت

ابويا بالصدفة وكان يدخل سيارته في الحوش,,انا كنت برا وهو داخل ووقفت السيارة وكنت بدخل البيت,,طبعا

ايش سوا,,سكر الباب بكلللل قوته في وجهي,,هذيك الساعة ضحكت على حركته قدام زوجي عشان ما احسسه اني ضعيفة,,وبعد كدة بكيت من القهر,,بكيت من سلبية امي اللي شتتنا وضيعتنا,,ضيعت حقوقها

وضيعتنا معاها,,ابويا مكدس الملايين في البنك ويريد يحرمنا من حتى من بيت يؤينا,,انا مقهورة من امي بس

في نفس الوقت ماحد كان يتوقع ان انسان مثله (ضعيف شخصية ويخاف يواجه الناس) يعمل كدة,,بس الفلوس

تقوي النفوس,,الله يعطينا على نوايانا

لا تساعدينه بكل الفلوس انتي نص واهو نص ويكتب نص البيت باسمج:)

بس اول شي يكتب نص الارض

يكتبلج نص البيت و ساعديه