|| ... تـجـمـعـنـا المجاهــدات... أمـهـات الـتوائـم الـرضـع و الخـدج ... ||

أبشري شوي بس واتفرغ...
ــــــــــــــ
قلب حوااااااااااااااء
أأأنا زواجي
19-7- 1423هـ
ــــــــ

الله يسلمك...
بديت عندهم مراجعاتي ...
في آخر الشهر السابع.,وكان كل أسبوعين موعد
في ملفي مكتوب د:بهاء الدين
وما شفته أبد...
كل مراجعه عند دكتورره..غير
طبعا في الشهر التاسع,دخلت على دكتوره سورية نسيت اسمها..
وخيرتني انتظر طبيعي أو نحدد لك قيصريه...
طبعا بدون تردد قلت قيصريه,بس أبي الدكتور:بهاء هو اللي يسوي العملية..قالت ما أدري العملية حسب المناوب ..وقلت لها بصراحه ما أبي أحد يتدرب فيني <<لأن قبلي والده أختي بسمة أمل وعيالها جاهم خلع ماعرف الدكتور يطلعهم...
طبعا نفت وقالت لاااااااااا...
بس اصريت قلت يا أنت تسوي العملية أو د:بهاء...لأني ارتحت لها قالت أنا أجي مع الدكتور اللي يسوي العملية..إذا مناوبتي
قلت يارب أشوفك..
شافتني ما ارتحت..قالت شوفي اليوم نحدد لك موعد العملية بس الأسبوع الجاي د:بهاء عنده زحمه..قلت عااااادي..
وحددت الموعد في الاسبوع 39..
يوم الأحد
14-3-1431هـ
واعطتني موعد
بعد أسبوعين متابعه + موعد دكتور التخدير..
ورحت أخلص اجراءات التنويم...هذا كان يوم الاربعاء..
ودخلت عند التخدير وشرررح لي سالفة التخدير النصفي,,والكلي وقال اختاري بس أختك ما أدري احترت
قال:يوم العمليه تختارين...
رجعت لبيتي <<مر علي أصعب يومين (الخميس والجمعه)
الخميس رحت لأهلي وقلت لهم إن عندي موعد يوم السبت..<<ما قلت إن عمليتي الأحد
وكنت شايله هم بنتيني
وخاصه اللي في الصف الاول ابتدائي ..
رحت السبت ودخلت التنويم الساعة 7 المغرب..<<وقلت لأهلي إني بنام في الرياض لأن عندي موعد بكره وصعبه أجي و ارجع ثانية.........
وتحاليل تخطيط..
والممرضات رووووووووووووووعه شوي عليهم..
حبوباااااااااااات لأبعد حد..
قالوا لي موعد العملية 1 الظهر..
وبعد الساعه 12تصومين..
وقت الفجر قالوا تجهزي العملية الساعه 9ص
طبعا زوجي استأجر في الفندق القريب من المستشفى,,وأرسلت له لأنه على باله الساعه 1 ظ
قلت طيب د:بهاء وينه؟؟
قالوا في اجااااااااازه!!!!
طارت عيوني وقلت ليشششششش
وحاله ..قلت مين بسوي العملية ..؟؟
قالوا لي الدكتوره فرح<<هندية
ود:السوريه
بحثت في ردووودي لأني كنت كاتبه قصة ولادتي في قروب الحوامل<<بس من جد دخلت جو
تذكرت أيام وشكااااااااااوي كأنها حلم...أبكمل بحث وارجع لك
ـــــــ
قلت :عسى في الأمر خيره
8ص جت الممرضات ولبسوني شراب لين الفخذ<شئ روووعه ارتحت نفسيا
وشالوني لغرفة ما قبل العمليه..
ودكتور التخدير<<ما يعرف عربي تترجم لي الدكتوره السوريه
وخيرني ما بين النصفي والكامل وزوجي اقنعني بالنصفي..واخترته..
دخلت العمليات وجتني نفاااضه...جلست على السرير و2 ممرضات عند رأسي
والبقية ابتساماتهم تفتح النفس..
أشوفهم يجهزووون عدة السلخ<<<<ههههه
ومرت مرحلة الابره بسلااام ألم بسيط يحتمل...
انسدحت على السرير وسألوني إذا بديت أحس بتنميل في أطرافي السفلية..فعلا بديت.لين تخدرت تمام..
وبدأ الشغل خيروني تبين تشوفين العملية نشيل الستاره اللي بيننا<<الكلام للدكتوره
قلت لا ما ابي أشوف<<<وتحسفت ألحين ودي إني شايفه الكرشه وهي تنسم..<<<خخخخخخخ
شفتهم شالوا البيبي الأول(البنت)وجابها مساعد د:التخدير<<سوري
عندي..
بعدها بدقيقه طلعوا (الولد)
وقت العمليه بس كنت أحس بألم في رقبتي وصداااع..
بس العملية لا ما أحس فيها..
مساعد دكتور التخدير:قال:ادعي لي اجيب ولد
عندي 3 بنات والرابعه في الطريق
الله يرزقه يارب....إلى اليوم كل ما تذكرته دعيت له..
ع الساعه 12 وربع رحت لغرفتي..وكلمت زوجي..
غرفة التنويم..مريحه ما فيه ازعاج..كان معي 3 حريم وأنا 4
فيه غرف خاصه ب600 في اليوم..
والممرضات قروبااات..بس ما شاء الله تماااام حبوبات..ومتعاونات
وممرضات الحضانه عسل ..
ما جابوهم عندي...إلا في الليل هذا اليوم الأول
بس بعدين لا يخلونهم عندك..بس إذا تعبانه أو بتنامين تنادينهم يأخذونهم....
بس مررره وحده قروب الحاضنات زفت تخيلي وقت الزيارة رفضت تأخذ لو واحد منهم..
مشكلة ثانية(الرضاعة طبيعية)
اجباري..حتى اللهاية كنت أوزيها عنهم ما يبونها..
يوفرون لك
حفايظ البيبي وملابس
ولك بعد
بس أنا جايبه لي غيارات ..
وخياط العملية ما يحتاج فك..<<أحس شئ تطيح الخيوط من نفسها..
هذا اللي أذكره
ولو عندك أي سؤال أبشري<<
لو تبين تنقلين ردي لقروبكم إذا فيه أحد يراجع في المدينه الطبيه خذي راحتك..
ألحين ابرجع أكمل البحث في ردوودي عن اسم الدكتور+بغيت أكمل ذكريات الحمل...<<

ـــــــــــــــــــــ

سلام بنات
كيفكم؟
وحشتوووووووني كلكم!

بغيت اسالكم
من تستعمل حليب سيميلاك ادفانس 1 ؟؟؟؟
لان الشركة غيرته!
وصار بداله نوعين
واحد من 0 ل 6 شهور
وواحد من 6 شهور ل سنه

انا استخدم اللي من 0 ل 6 شهور
وعيالي مو متقبلينه ابدااااااااااااا :44:
مع ان النوع القديم كان ماشي تمام معهم!
من مثلي؟؟؟؟؟
وبعدين لاحظت ان مغيرين مقدار الجرعة بعد!
انا عيالي ما يخلصون ال 120 مل في النوع القديم
والآن النوع الجديد يقول عمر 3 شهور لازم يرضع 210 مل تقريبا!:(

من تقدر تفيدني؟؟؟
الله يجزيها الخير