نكفون ما عاد فيه صبر سألتكم بالله حل لهذا الابتلاء حتى النوم ما عاد يجيني ....

قلبي معك .............................. مادري الله يكون بعونك

يمكن احد يغيره عليكم

الحل ياقلبي قدام عيونك وانتي عارفته زين
بس قوي قلبك واتوكلي على الله وخلك حازمه وقويه بحقوقك وحقوق عيالك ..
لاتخسريين ولد اخوك وبنتك ..

تخيلي لو تزوجو وزاد الوضع سوء
لاتوهقين نفسك وبنتك ..
لازم الولد يحترمك قبل تزوجينه بنتك ويتقبل التغيير اللي مفروض يصير ومحد يقدر يلومك فيه ..
الا اللي ماتهمه مصلحتك ..

سواء بنومته ببيتك .. او شغلة الصرافه .. او حتى طلعاتك ماله حق يتحكم فيك ..
صدقيني راح تكبر المشاكل كل ماكبرو عيالك وحالكم ماتغير من الحين ..
الحين المشكله بنتك وبكرى ماتدرين مع مين ..
انتي عارفه انك غلطانه من البدايه بتساهلك معه وتسليمه اموركم من البدايه ..

حاولي الحين بالتدريج معه عشان ماتخسرينه .. اهم شي لاتحسسينه انك مسنغنيه عنه بذكاء
مثل تشاورينه او تسلمينه بعض الامور اللي مو مهمه وحسسيه انها هامتك
وبنفس الوقت تسحبين منه بعض الصلاحيات والأمور اللي مفروض تكون من مسئولياتك انتي وعيالك

وانا ابد مو مع انه زواجهم هو الحل ,,
بالعكس الخيره بكل تأخيـــره .. اذا ولدك كبر ان شاء الله بتتغير اشياء كثيره ان شاء الله وللأفضل
والمشكله مو بزواجهم الحين ..
المشكله فيك انتي اختي وبطريقة تعاملك مع ولد اخوك اللي لازم تتغير وتنحل قبل تكبر ..


وربي يقوي قلبك ويهديك للتصرف الصحيح اللي ماتخسرين فيه اغلى ثنين ..
واسفه ياقلبي اذا كان كلامي فيه قسوه عليك او ضايقك ...

الله يفرجه لك
عن جد الامر صعب