كل عام و انتم بخير
حبيت اشــارك بالمسابقه بعنايتي الخاصه والمميزة
وحتى لو مــافزت اتمنى اكون افدت البعض منكم
واي استفســار انا حــاضرة
اشياء مهمه اسويها للبشره:
-اشرب الماء بكميات كبيره
- اشرب شاهي الاعشاب(زنجبيل زهورارت اكليل الجبل شاهي اخضر قرفه بابونج,,)
اشرب يمكن3 الى 5مرات باليوم

-اكل الخضروات خاصه البقدونس مره مفيد للبشره
-عدم العرض لاشعه الشمس اثناء وضع اي كريم او حتى مستحضر طبيعي
لانه راح يؤدي لنتيجه عكسيه
-الملابس القطنيه
الان
راح اتكلم عن عنـــايتي اليوميه والاسبوعيه
للمجموعه المغربيه

سميتها مغربيه لان اغلب الاشياء الي استخدمها منتجات مغربيه
الي لاحضت تغير كثير في نقاء وصفاء بشرتي بعد المداومه عليها
وتذكروا جمال اي بشره لا يكمل الا بالمحافضه والاستمرار
معلومات عني
العمر:23 عام
نوع البشره: من دهني الى عادي
مشكله البشره: بشرتي حساسه جدا ماتتقبل اي كريم
على طول تلتهب وهذا السبب الي خلاني الجــأ للمستحضرات الطبيعيه
الصراحه ممتازة وافضل من غيرها
يالله نبدأ بـــ عنيــايتي
العنايه اليوميه
1- في الصباح اغسل وجهي بصابونه حليب الماعز
( صابونه مصنوعه من حليب الماعز ممتازة ومافيها رغوه ابدا وتساعد على تفتيح ونظاره البشره)

وبعدين ابخ على وجهي ورقبتي ماء الورد مع العكر العفاسي
(ماءالورد رائع لنظاره البشره والعكر العفاسي ليعطي البشره لون وردي فاتح)

هذا العكر العفاسي تحطي مره شويه عشان لايثقل اللون

وبعدين بعد ماينشف ماء الورد احط كريم اللوز او الاركان من تحت لفوق بحركه دائريه
(الكريمات هذي طبيعيا مافيها اي مواد حافضه ولازم ماتنحط اليد فيها)
كريم الورد رائحته رائعه ويعطي نعومه ونطارة
وكريم اللوز لمعالجه مشاكل البشره وتوحيد اللون
كريم الاركان شد وتوحيد لون البشره

2- عن الاستحمام استخدم صابون حليب الماعز المبشور والليفه العاديه وبعدين انشف جسمي وابخ كامل الجسم من بخاخ ماء الورد والعكر
واخليه لين ينشف واحط زيت اللوز او الاركان على كامل الجسم مع التدليك الخفيف

3- اذا كنت بسوي رياضه اسخدم كريم الزنجبيل
(الزنجبيل-كريم عادي-خل تفاح-زيت لوز)
ويكون المكان حار عشان يتفاعل مع الجسم
4- قبل النوم اغسل وجهي بصابونه حليب الماعز واحط كريم الوررد على الوجه والعنق واسوي مساج للوجه بحركه دائريه
وادهن رجولي فازلين مع شوي عكر والبس شراب واناااااام
الشراب عشان يخلي البشره تتشربه وتصير ناعمه زي رجول الاطفال
5- المنطقه الحساسه
( عند استخدام اي مقشر او كريم للمنطقه يفضل استخدام اندروير البيبي دول عشان لايصيرتسلخ للمنطفه ولا تكون الملابس ضيقه عشان لاتترك اثار اطراف الانر وير خاصه عند فتره العنايه )
استخدم غسول

وكريم سينسي كلير ممتـــاز مو بس للمنطقه الحساسه لكل الجسم ونتأأئجه رووعه
لانه يساعد على توحيد لون البشره وغير ريحته الحلوة انا لي شهرين استخدمه من جد روووعه
الصابونه مرتين بالاسبوع فقط(لانه تعتبر مقشر للمنطقه)

6-بالنسبه لمزيل العرق استخدم
(ماء ورد مع كريم الورد مع بودره اطفال )
اخلطها مع بعض وتصير زي الطين مره ثقيله
والله ممتازة واحسن من مزيلات العرق
يتبع لتكمله العنايه الاسبوعيه
:26:









