شاركي في النقاش

سجلي الدخول لإضافة تعليق.

التعليقات

84
  1. رقه و دلع
    انا متابعه الموضوع بدقه بس كبيره والله نتكلم بالبنات بهذي الطريقه اسألي اي شيخ بيقولك ان هذا كلام باعراضهم..يعني الموضوع تحول وانتو اللي حولتوه الله يهديكم والحين لو احد دخل من الشباب وقرا كلامكم راح ينبسط ويقول ها البنات من جنسهم يقولون…
    السلام عليكم و رحمة الله و بركاته ..

    مساء الخير يا حلوين :) ..

    ممكن أطلع عن الموضوع شوية ؟؟
    بما إنه قلب للجدل والدفاع عن البنات والشباب !!

    بس لا تفهمو كلامي إنه تعصب أو أي شي !!
    والله مو قصدي الإنحياز لناس دون ناس ..
    ولا تفضيل ناس عن ناس .. ولا تقليل قيمة أحد ..
    والله إني أنا أحب كل الناس .. و أزعل من إللي يقول
    أي شي عالسعوديين كلهم ..

    ( بس فيه ناس يجيبو لنفسهم الكلام :23: ) ..

    أنا أبغا أعطيكم صورة من الواقع إللي إحنا عايشين فيه ..
    :)
    دحين إحنا في جدة عندنا معاكسات زي أي مكان تاني ..
    بس الميزة في شباب جدة بالذات عيال الناس المحترمين ..
    ما يجي يعاكس بطريقة قليلة أدب .. ممكن يجي يطالع أو
    يعطي نظرة إعجاب .. و يعتمد عالبنت إللي تعطيه وجه أو لا !!
    ولو كنتي ماشية في حالك وما أعطيتي وجه لأحد >>
    لوكنتي ماشية عريانة محد يتعرض لك !!
    حتى الشباب ما يلاحقو البنات و يآذوهم !!
    والدليل إنك تلاقي كتير من البنات الله يهديهم ماشيين
    كاشفين ومحد يتعرض لهم ولا يقرب منهم وكل وحدة تقول
    للقمر قوم وأنا أقعد مكانك !!

    وفيه معاكسات قليلة أدب من بعض الشباب الله يهديهم ..
    بس في المناطق الأقل رقيا .. يعني زي مثلا لو رحتي
    محل شوية شعبي ممكن تلاقي إللي يلحقك أو يرمي كلام
    أو شي زي كدة ..
    بس برضو لو ماأعطيتي وجه يبعدو عنك ..

    ومستوى المعاكسات ينزل كل ما نزلتي بالمستوى
    حق المنطقة !! ( وهادا شي طبيعي في كل بلاد العالم ) !!

    والمستوى الثقافي والتعليمي و( العائلي ) والإنفتاح الفكري
    وطريقة التفكير و أسلوب المعيشة له دور برضو ..

    وصحيح أغلب الأوقات تلاقي السوق مليان شباب ..
    بس يكونو في حالهم .. بيشترو أو يتمشو أو جالسين في
    كوفي شوب .. أو ماشيين بس إستعراض ( بالذات إللي
    عندهم عضلات وأجسامهم حلوة ) تلاقيهم بس يتمشو ..
    لكن ما يتعرضو للبنات أبدا أبدا أبدا ..

    ووالله إنهم فيهم نخوة .. يعني لو شافو وحدة بتتآذى
    يفكوها من الشاب إللي بيآذيها !!
    ويحرصو إنه ما يتعرض لها تاني !!

    بس متى من جد نعاني إحنا أهل جدة !!
    ( وإللي من جدة يأيدو كلامي ) ..
    لمن يجي موسم الإجازات و تتملى البلد
    من كل المناطق في البلاد !!
    تلاقي كل مكان زحمة ومعاكسات وقلة أدب ومسخرة ..
    وتلاقي في كل مكان الشباب لابسين وكاشخين وغتر
    و أشمغة ( باقي شوية يلبسو مشالح !! ) بس عشان
    ينزلو يعاكسو !!
    ومن لبسهم هادا تعرفو إنهم مو عيال جدة !!
    يعني تلاقيهم في البحر بغترة وشماغ !!
    في السوق بغترة وشماغ !!
    في كافيه بغترة وشماغ !!
    في الملاهي والمنتزهات بغترة وشماغ !!
    في الشارع بغترة وشماغ !!
    لدرجة تحسي مناظرهم مقرفة ..
    زي إللي تلبس فستان فرح وتحط مكياج تقيل وتسوي
    تسريحة مبالغ فيها وتلبس ذهب و إكسسوار في عزومة
    غداء أو فطور عالبحر >> كيف يكون منظرها !!
    منظر شاذ وغير مقبول و مؤذي للعين ومحل للإنتقاد !!

    صحيح إحنا رجالنا يكشخو ويلبسو غتر و أشمغة بس
    في الشغل أو المناسبات والزيارات !!
    يعني ما عمري في حياتي شفت واحد جداوي
    رايح البحر يسبح بشماغ !!
    ولا رايح ملاهي مع أهله بغترة وشماغ !!

    ومعروفين شباب جدة كوول و ستايلهم معروف ..

    عشان كدة إحنا أهل جدة بالذات ما نصدق تجي الإجازة
    وعلى طووووول سفر .. لأننا ما نتحمل نجلس
    في البلد بهادي الطريقة ..

    ( بحكم إنه جدة أكتر منطقة فيها بحر وملاهي وأماكن ترفيهية
    وأسواق ومجمعات أكتر من أي مكان في المملكة ) !!

    تلاقي في كل مكان زحمة و أذية ..
    في الشوارع يتعرضو لك .. في السوق ..
    في البحر .. في المطاعم .. في كل مكان ..
    حتى لو واقفة عند باب بيتكم يتعرضو لك ..
    ويلصقو لصقة ما يبعدو بأي طريقة لو أيش
    ما سويتي !!
    وحتى ألفاظهم مرة وسخة !!

    طيب نجي ونشوف أيش السبب ؟؟

    ليش الشباب إللي من برة جدة .. يعتقدو إنه بنات جدة
    رخيصين ؟؟ و يآذوهم ؟؟ و يبهدلوهم ؟؟
    عشانهم كاشفين أو ملثمين ؟؟
    مو كل كاشفة ولا متلثمة سارت قليلة حياء ولحم رخيص ؟؟
    مع إنه لو تجي لهادا إللي بيعاكس في جدة وأتعرضتي لأحد
    من أهله ما يسيبك إلا والدم واصل للركب !!

    طيب أنا شفت إماراتيين و كويتيين و خليجيين في البلد ..
    والله محترمين وعيونهم ما تترفع من الأرض !!
    و لو كنتي ماشية يوسعو لك الطريق و يحترموكي ..
    ( وفي بلدهم حرية أكتر مننا ) !!

    إلا شباب المناطق التانية ..
    ( أنا خايفة أحدد المناطق تقومو تنقلبو عليا !! ) ..

    وصحيح فيه بنات قليلات حياء .. بس تعالو شوفو
    أصولهم .. تلاقيهم 90% منهم أو أكتر أجانب ومسويين سعوديات !!
    عشان يسوو فيها بنات ناس وهما مرة Low !!
    يعني حتى ماهم متجنسين عالأقل !!

    أنا الحمدلله عشت حياتي في أرقى مناطق جدة ..
    وإللي عاشو في جدة يعرفو قصدي ..
    وتقريبا في الخمسة السنوات الأخيرة سار فيها
    العجب العجاب بس مو من بنات البلد لا حضر ولا بدو ..
    من بنات جنسيات عربية .. وهما إللي مسويين فيها
    بنات البلد و سعوديات .. وهما إللي مشوهين سمعتنا !!
    و أغلبهم بينفضحو ولا بيسافرو بلدهم الله لا يردهم !!
    وأغلب إللي بيتحرشو بالشباب أو بالرجال المتزوجين
    من هادي الأشكال !! حسبي الله عليهم ..
    يا إما عشان تلاقي واحد أهبل يتزوجها ويخليها محترمة !!
    و يا إما تلاقي واحد أهبل يعيش معاها بالحرام ويصرف عليه
    دم قلبه و يقصر على بيته وأهله عشان الحرام و عشانها !!
    وفي الحالتين هي الكسبانة .. ورجالنا هما الهبل !!
    حسبي الله و نعم الوكيل في هادي الأشكال ..

    وأعرف إنه في ناس حيقولو عليا هادي حضرية ولا طرش
    بحر زي ما يقولو !! والحمدلله كل مين عارف نفسه !!
    بس أنا ما يهمني .. لأنه عالأقل إللي زينا محترمين نفسهم
    ومربيين عيالهم صح !!

    وأعرف إنه كلامي حيزعل ناس كتير ..
    لكن قلت لكم من البداية أنا والله ما عندي تعصب لأحد ..
    بس أسألو أي أحد تاني من جدة و شوفو رأيهم ..
    وأنا بنفسي مضايقني الموضوع هادا ..
    ونفسي كل الشباب والبنات يحترمو نفسهم ..
    ونفسي كل الأهالي ينشأو عيالهم ويربوهم صح ..
    وأهم شي الرقابة الرقابة الرقابة من الأهل !!

    كل بلد و كل مجتمع وكل عائلة فيها الطيب والبطـّـال ..
    بس ليش الشباب عندنا بزيااااااادة ما كأنهم شايفين خير !!
    أسألو أخوانكم و أزواجكم و أقاربكم !!

    إحنا عندنا مافي الكلام الفاضي و قلة الحياء !!
    وحتى لو واحد عرف وحدة ما يمشي معاها غير عشان
    يتزوجها !!
    وأحيانا تلاقي الولد مسكين والبنت إللي بتضحك عليه :) ..
    لكن في المناطق التانية اللعب بالبنات لعب !!

    و ليش فيه ناس معينين عيونهم فارغة و يستاهلو الحرق !!
    تلاقيه ماشي مع مرته ومغطيها من راسها لرجولها بالأسود ..
    و يمشي يبصبص و يعاكس البنات التانيين !!

    وإللي تلاقيه يلعن أخواته في البيت وخانقهم و مبهدلهم ..
    و يكون برة البيت سمعته زي الزفت و أكبر مغازلجي !!

    وإللي يحبس مرته في البيت .. و يطلع يسوي البطيط
    مع أصحابه في الإستراحات والأسواق والأماكن العامة
    زي المراهقين !!

    حتى الشياب يسوو كدة !!

    طيب ليش ؟؟
    ليش في بلدكم ما تتجرأو تسوو كدة ؟؟
    ليش إحنا لمن نروح أي منطقة تانية ما نسوي
    زي كدة ؟؟ وليش عيالنا وبناتنا ما يسوو كدة ؟؟
    ليش فيه ناس يحبو يعطو عن أنفسهم الإنطباع الغلط ؟؟
    ويشوهو سمعتهم ؟؟ و يشوهو سمعة شعب بأكمله ؟؟

    زي حكاية برجس و بنات النهضة !!
    بالله سمعتو أحد سوى زي كدة في أي بلد تاني ؟؟
    مو بلد الإسلام و الأمن و الأمان !!
    إحنا المفروض نكون قدوة للعالم كله ..
    العرب و الغرب !!

    ليش إحنا دايما إللي نستغل التكنولوجيا أسوأ
    إستخدام ؟؟
    ليش دايما سمعتنا إننا أوسخ ناس ( في نظر الغرب ) !!
    مع إننا أشرف منهم ومن أشكالهم !!
    وليش معطينهم المجال إنهم يستهبلونا و يعرفو نقاط
    ضعفنا !!
    ونظرتهم للعرب إنهم متعطشين للجنس !!
    عشان كدة بيسوو كل شي مهيج للغرائز و يرسلوه
    لبلدنا و إحنا أثبتنا لهم إنهم على حق !!

    جانا الإنترنت >> أستخدمناه غلط !!
    وأسألو تلاتة أرباع الشباب : في أيش تستخدم الإنترنت ؟؟
    حيقولو Chat ( محادثة وتعارف ) + مواقع إباحية !!

    جات كاميرات الإنترنت .. أستخدموها أسوأ إستخدام !!
    وأقرب مثال >> البال توك !!

    جات جوالات الكاميرا .. أستخدموها في فضح الناس !!
    طيب إنت ياللي بتفضح بنات الناس >> حيجيك يوم و يجي
    إللي يفضحك إنت و يفضح أهلك و أخواتك و مرتك و بناتك !!

    بالله سمعتو أي بلد في العالم يستخدمو جوالات الكاميرا
    الإستخدام السيء زينا !!

    والأهبل إللي صور مرته وهو نايم معاها و نشرها في النت !!

    والأهبل إللي عريس وجايب بنت حرام في بيت عروسته
    ومصورها في غرفة نومه وفاضح نفسه !!

    بالله قولولي سمعتو زي كدة في أي بلد تاني !!

    ليش إحنا إللي كدة ؟؟
    ليش ما نرتقي بتفكيرنا و نستخدم كل شي إستخدامه
    الصحيح ؟؟
    ليش ما نحترم أعراض الناس ؟؟
    ليش كل واحد ما يفكر في كل وحدة قبل ما يعاكسها
    إنها ممكن تكون أخته أو أمه أو مرته أو بنته ؟؟
    والبنت إللي بتسوي زي كدة .. ما تفكر إنه ممكن
    تجي وحدة بنت حرام بكرة و تسوي مع زوجها زي
    ماهي بتسوي مع الرجال التانيين ؟؟
    لــــــــيــــــــــــــــــش ؟؟

    أنا ما قلت مافي ناس طيبين !!
    بس برضو الشر بيكتر ..
    والوساخة بتكتر ..
    والدناءة بتكتر ..
    وقلة الرجولة والشهامة والمرؤة بتكتر !!

    وترى كتر الزنا من علامات الساعة !!
    و بالأخص ( إنتشار الزنا في أرض الحرمين ) !!

    بس فين إللي يسمع و يفهم ؟؟


    >>>> قامت تخربط والمعلومات تتشتت !!

    معليش طولت عليكم و قرقرت كتير بس من قهري !!
    ولاحد يزعل مني ولا من كلامي :) ..
    أعتبروه فضفضة و تنفيس عن النفس :) ..

    هي خاربة >> نفسك تجي تشيلي الكيبورد من
    بيتنا صح :23: ؟؟


    تحياتي ..
    جــــــــداويــــــــــــة
  2. هي خاربه
    هلابك بمبه ...... حبيبتي ليش معصبه !!!!!!!!!!!!! أنا وغيري ماراح ندخل معاك بمناقشه نغير فيها مجرى الموضوع الاساسي ... كل اللي ابغى اذكره لك نقطتين ...... الأولى .... بذكرك بهالفتوى لابن عثيمين رحمه الله والذكرى لي ولك الفتوى …
    معناته لان البنات لابسين نقاب يستاهلون اللي جاهم !
    كذا يعني نظرتك للموضوع !
    ولا وش دخل هالفتوى بكلامنا !!!!
    ليت كلنا نتناقش بنفس الموضوع
    مب كل وحده بوادي !!
    شكلك ابد مافهمتي كلامي
    انا اقول لو واحد من شبابنا الحلوين اللي عطيتوهم الحق يتحرشون باي بنت
    لابسه نقاب ولا عبايه على الكتف! ... لو سافر للندن مثلا وشاف وحده كاشفهه
    يحق له انه يتحرش فيها ويقول ..ليش ماغطت وجهها ! ولا ليش طالعه بلحالها!!
    والله كان جلدوه جلد !! ومحد كان بيفكر يدور له عذر مثلكم هنا !!!
    لاتشوهون الدين الاسلامي بكلامكم !!
    تبررون التحرشات بالنساء المنقبااااات !!

    وليش ماتجبين فتوى لمنع التحرش بنساء المسلمات ...
    وليش ماتجبين فتوى لغض الابصار عن المحرمات
    وليش ماتجبين فتوى تحرم هتك اعراض النساء المسلمات !

    شاطرين بفتاوى على البنات وبس !

    فعلا مثل مايقول المثل .. المرأه من الد أعداء المرأه !! :)
  3. @hy_kharbh

    رقه و دلع
    انا متابعه الموضوع بدقه بس كبيره والله نتكلم بالبنات بهذي الطريقه اسألي اي شيخ بيقولك ان هذا كلام باعراضهم..يعني الموضوع تحول وانتو اللي حولتوه الله يهديكم والحين لو احد دخل من الشباب وقرا كلامكم راح ينبسط ويقول ها البنات من جنسهم يقولون…
    بمبه ....... أنت معصبه وعصبيتك هذه خلتك ماتعرفين توصلينا معلومه
    ولاتفهمي احنا وش نقصد ... وصرتي بوادي لوحدك

    وبعدين لاتفسري على هواك وتقولي معناته ومعناته أنت لو قاريه
    الفتوى وعارفه معنى الحديث زين ماكان تشطرتي وقلتي باسلوب واطي
    شاطرين بفتاوى على البنات وبس !


    احنا عزيزتي مافتينا من رأسنا .... ولا من فراغ !!!!!!!!!!!!!!!!
    الفتوى والحديث اللي للإسف ماعرفتي المغزى من كتابتها
    كانت بمثابة الرد الوافي والكافي لمية نقطه ذكرتيها .....


    حطي مليون خط تحت كلمه ابن عثيمين رحمه الله وأن لا تنتقب

    لأن ذلك يفتح باب شر لا يمكن إغلاقه فيما بعد ....



    تقولي .....وليش ماتجبين فتوى لمنع التحرش بنساء المسلمات
    اسئلي نفسك ........
    ياترى بيصير تحرش من قبل الشباب للبنات لو كانوا بمكان عام وسط الخليقه
    وفي ساعه تكون قبل الساعه 12 بالليل ؟؟؟؟؟




    وبعدين ليش تخلطي الحابل بالنابل .....تكلمي من باب واقعنا ومن الحاصل ببلدنا

    دامك تقولي احنا ببلد مهد الاديان والامن والامان ... يعني المفترض

    والاكيد اننا نلتزم بالمبادي المعقوله ........ونبتعد عن القوانين اللامعقوله



    على فكره ....... الظاهر هالمثل داخل بالغلط ......... ولا

    المرأه من الد أعداء المرأه


    اذكرك .........
    احنا موضوعنا عن وسائل الدفاع عن النفس في حالة وجود شباب
    على شاكله شباب النهضه ...


    اتمنى أن لاتطرقي لموضوع أخر ....... وقبل لتكتبي اعرفي وش راح تكتبي
    وعن النقطه اللي تكلمنا عنها .... الله يهديك
  4. @hy_kharbh

    رقه و دلع
    انا متابعه الموضوع بدقه بس كبيره والله نتكلم بالبنات بهذي الطريقه اسألي اي شيخ بيقولك ان هذا كلام باعراضهم..يعني الموضوع تحول وانتو اللي حولتوه الله يهديكم والحين لو احد دخل من الشباب وقرا كلامكم راح ينبسط ويقول ها البنات من جنسهم يقولون…
    جداويه .......... حبيبتي الله يعطيك العافيه خذي راحتك ..

تابعي تجارب أخرى من هذا القسم.