زوجي امه داعيتله وامي داعية علي..

4 أغسطس 2010

السلام عليكم حبيباتي:)

انا قد كتبت مشكلة لي ورديتوا عليها الله يسعدك كل وحدة ردت او دعتلي

المهم انا يااخواتي ماكتبت معاناتي كلها لاني كنت بشهور حملي الاولى وكارهه نفسي:09:

انا الحين بالشهر التاسع دعواتكم لي بولادة سهلة ميسرة

نجين للمهم:44:

ابغى احكي لكم عن زوجي وابغاكم تحطون نفسكم مكاني بنات انا ماابغاكم تجاملوني وتحاولون تصلحون الوضع المهدوم ابغاكم تعطوني نصيحة من القلب من غير مجاملة واللا بس عشان اتمسك ببيتي ..

متزوجة لي 3سنوات وطبعا زي ماكتبت المرة الاولى اعاني من زوجي وعدم نظافته
ابغى اقولكم الحاجات اللي انا ماااااااااااقلتها...

تخيلوا ايام الملكة كان زوجي معشمني انه بيتوظف وظيفة حلوة
وان اللي هو فيها مؤقته..قلت طيب يابنت خذوهم فقراء يغنيهم الله

ومرت الايام وتزوجنا وطبعا انا انفجعت من اسلوب حياتهم بصراحة انا ويييين وهوواهله وين..يابنات مو شوفة نفس لا والله بس حسيت اني انغشيت بهذي الزواجة

اهله ناس فقراء احزن عليهم..ابوة متوفي وترك راتب تقاعدي لامه واثنين من اخواته واخت وحدة 2000ريال
ودخلت امه الضمان كلنوا يعطوها 1500 وبعدين سحبوا عليها وراجعتهم وبالقوة صاروا يساعجوها ب500
يعني لو تجون تحسبون دخل امه ياعيني 2500ريال

المهم تزوجت زوجي وراتبه زي ماذكرت في الموضوع الاول 1900ريال تزوجته ماعنده سيارة تخيلوا العروسة تطلع ثاني يوم تتمشى وتنبسط وانا نزلت عند اهله من الطفش نااااااااااايم وريحته تجيب البلى استغفر الله يعني نايم من ليلة الزواج:icon28: واليوم اللي بعده:(صحي في الليل تعشينا وقمت قلتله مابنسافر المدينة قالي مافي سيارة وهو كان يتمسكن حتى يتمكن كان يقولي ولايهمك بس لاتشيلي هم مايجي الزواج اللا والسيارة طالعة..افا ياذا العلم تزوجنا ولاسيارة ولايحزنون..جلست ابكي انا ماتزوجت عشان اندفن وانا عند اهلي ماشاء الله فلة وخرجات اتفاجأ بكذب وووعود خرطي.. المهم اسبوع كذا وجاب سيارة ايجار طبعا لو نجي نحسب ايجارها 2400في الشهر من وين راح يسدد؟؟؟؟؟؟

تخيلوا ياخذ من فلوس الايتام اخوانه الشهر الاول وانا ماني راضية صح اخوانه كبار 26سنة و24سنة بس كمان هم لهم حق بمال ابوهم

وصرنا نروح ونجي بهذي السيارة جا الشهر الثاني نفس الشي اخذ من امه على راتبه وسدد ترى هذا وهو فاصل العداد يعني بس يدفع حق الايجار والكيلومترات الزيادة مايدرون عنها
وصرت اقول الحمدلله اني عروسة ومااحتاج شي..قال عروسة قال من اول اسبوع طبخت في البيت

جاء الاسبوع الثالث وامه مسكينة كان عليها دين وماقدرت تعطيه ايش سوى؟؟؟؟؟:mad:

استغل وقت مكالمتي لواحد من اخواني وجاب طقم شبكتي وقال بابيعه هاه وجلس يرجني وانا منسجمة مع اخوية ومن رجته اشرتله طيب..ولما قفلت صحيت قلت له ليش تبيعه وتجيني وقت ماانا مشغولة مع اخوية وماني منتبهه قالي انتي قلتي طيب قلتله انت مو قلت اللي يبيع ذهب زوجته مو رجال؟؟ ايام الملكة كان مسوي انه ماااااااافي منه مثالي زيادة عن اللزوم والغبية اللي هي انا تصدق وتفرح مااااااالت علي:06:
المهم =معلقة عليها

مرت الايام قبل الشهر الرابع محل تاجير السيارة دقوا عليه راح لهم وكفشوه انه فاصل العداد سحبوا السيارة وفوقها 500ريال

وماصار عندنا سيارة:icon33:

المهم في هذي الفترة انا حملت تخيلوا يابنات جاني اكتئااااااب فضيع ماابغى بيتي بس ابكي اروح عند اهلي ارتاح والله اللي في قلبي جالس يطلع مووحم ولاشي..
وجلس شهرين من غير سيارة وبعدين زوج اختي الله يسعده ويوفقه طرح علي فكرة انه يطلع لنا سيارة من شركة وهو يقسط
امه على طول وافقت جالسة سنين تستنى احد يكفلهم محد كفلهم اللا زوج اختي وقالت انا راح اقسط وقسطها 1200ريال
فرحت ان خلاص بكون عندنا سيارةوارتاح من الطفش والهم
طلعت السيارة(قصتي والسيارة هههههه)
جديدة وصار كاشخ بها وربي يعلم ان زوج اختي طلعها عشان خاطرعيوني وقلتله لازم تلتزم بالتسديد سدد تقريبا شهرين وبصراحة زوجي سواقته تخوف كل مااركب معاه احس والله يابنات بخوووووووووف رهيب ليش مدري؟؟
بعد شهرين صدم بها من جهته لعلمكم امه حطت من جهته حبة بركة من باب صد العين استغفر الله شفت عندهم العجب العجاب
وسبحان الله من جهته انصدمت وجلست في الشركة شهرين

طلعت والحمد لله على سلامتها بس المكيف خربان يافرحة ماتمت
قلتله انت صلح المكيف قال لا لاااااااازم الشركة وجلست كم شهر كذا من غير مكيف لين اشتكيت للوالد واخواني قام واحد من اخواني اخذها ووداها للمهندس طلع خرابها بسيييييييط ومن يومها طلعت بمكيفهابس هو مهمل مهمل مهمل في كل شي..
قلتله ياليت بس تكلف على نفسك وتسوي امورك لاعتمد على الغير
المهم مرت الايام وصار ياخذ من عند امه القسط ويلعبه..اقسم بالله مانس مستفيدة من فلوس الحرمة ولاابغى استفيد من فلوس الايتام
وراكم ستة شهور الاقساط ويرجع يسدد 3شهور لانهم ازعجوا زوج اختي وانا اتفشل واسوي مشكلة لين يسدد طبعا امه الله يعطيها العافية هي اللي تسدد اوحيانا بسيطة من راتبه القليل..
طبعا وقتها انا خلاص راح اولد وعندي طلبات واحتياجات تعرفون النفاس ..المهم قلتله ابغى اقضي للمولود قال ماعندي قلت شوف باخذ من امي 2000ريال وبعدين انت سددها يعني متى ماتوفرت معاه قالي طيب
ياناس مايصرف زي خلق ربي اخذت من امي وقضيت ومفرش النفاس جاني هدية ومشي الحال ومع المولودة ربي رزقني بوظيفة راتبها 3000ريال واحب عالطاير اقولكم من بركات الاستغفار..
المهم رحت بعد الاربعين وظيفتي ومششي الحال واحسه صار طمعان في اللي في يدي يعني ذهبي كللللللللللله انباع حته حته على حسب الاحتياج ويقولي باعوضك واسكت كنت اقول اصبر والصبر زين واغلب الحريم كذا..
والله العوض على ربي اما هو فلااااااااا

طبعا سبق وقلتلكم انه يحب الغياب عن الدوام اما انا لا
ويوم من الايام كان هو سهران يلعب بلعبة في النت يشتري بطاقاتها من جرير وطبعا جات الساعة 5 ونص يبغى ينام وانا صحيت نفس الوقت وابغى البس اقوله مافي وقت تنام يقول بس بانسدح المهم لبست وخلصت قلتله يالله قال انتي وانتي ويسب
مايبغى يروح وانا ابغى اروح والله مااغيب عشان سهرك واستهتارك وركبنا السيارة واحس الجن والشياطين معاه ..بنتي انزلها عند امه هي تراعيها...ويسرع سرعة جنونية وكان عند رجولي الله يكرمكم اكياس رفعت راسي ابغى اقوله تراك ماشي 140 اللا والسيارة تنقلب وانا فقدت الوعي ونسيت اقولكم حملت وكنت في شهرين لكن ربي حفظ جنيني ماصحيت اللا في سيارة الاسعاف... اتصلت على الوالد لان هو اللي يرجعني من الدوام خفت ياقلبي يجلس تحت الشمس ينتظرني قلتله صارلنا حادث وانا الحين في المستشفى جو اهلي وتنومت يومين جلست معاي وحدة من اخواتي الله يسعدها هي وزوجها ..يابنات هنا بدت دموعي تنزل:icon33: انا اكتب..

الكل يقولنا في المال ولافي الحال وانا بيني وبين نفسي اقول يالله الحمد لله على كل حال ..طبعا المرور سحب السيارة شهر 2
اللي وقت الحادث خرجت من المستشفى لعند اهلي عشان دوامي وجلست السيارة عندهم لشهر 5 خرجنا من المستشفى بخير وبصحةوعافية خلاص ننسى اللي راح والسيارة راحت يالله اسحبها للشركة كل يوم يقول بكرة بكرة وزوج اختي يتصل متى بيسحبها ويقول بكرة المهم يعطينا من الكلام العبيط واحنا طيبين نصدق ..وشوفوا كم عدى شهر لين بدى الفار يلعب في عبنا على قولتهم..زوج اختي قاله خلاص لاتتعب نفسك ولاتسحبها احنا حريصين على راحتك انا باسحبها وانت نام عندماما للمعلومية بعد الحادث اخذ شهر اجازة وسحب بعدها كم شهر من راسه زي اللي يقول انتي من وظيفتك اصرفي.. يقوم يترجى زوج اختي انه هو اللي بيروح وفوق كذا مااااااااايروح....راح اكمل اخاف اخذ راحتي في الكتابة وفي النهاية الصفحة ماتكفي:42:

امه طيبة على انها تحب القيل والقال بعدين اقولكم عن طبعها بس صراحة اقدر اقول احسن من غيرها(( لاتجي وحدة وتتفلسف اني ليه اقول كذا اقروا قصتي وبعدين احكموا واتناقش معاكم في الموضوع))

ايوة اهله ساكنين تحتي..

زوجي امه داعيتله وامي داعية علي..

التعليقات

زوجي وشغاله امه

ام زوجي والحمل

امس زوجي مستفز

إم زوجي والعشا

ام زوجي وخدامتها