أنا ولدي البكر لما جبته لاحظوا الدكاتره حكاية المويه من منطقة اليافوخ كانت تنتفخ وتصير زي البيضه ونرجع تنزل مره وحجم الرأس طبيعي عملوا أشعه مقطعيه وقالوا عنده استسقاء دماغي ولازم عملية تصريف للسوائل
عملوها له وعمره بالضبط عشرين يوم فتحوا فتحتين وحده في الراس ورى الأذن ثبتوا فيها جهاز صغير موصول بأنبوب لحد البطن مكان الفتحه الثانيه وظيفته ينقل سوائل الدماغ الزائده
كنت بموت من الخوف عليه وقالوا بيتشوه ويطلع متخلف بس ياربي لك الحمد والشكر نجحت العمليه ومااحتجت اعملها مره ثانيه وحجم راسه طبيعي وذكائه طبيعي وطفل عادي جدا ويدرس الحين طالع سادس ماشاء الله
المشكله الوحيده جاله ضعف بيده اليمين مايقدر يستخدمها ومعتمد على الشمال بس احمد ربي انها جات على كذا خاصه انه مشكلة يده علاجها بسيط اذا كبر شويه
المهم استودعي جنينك ولاتخافي والأفضل تستخيري وتعملي العمليه له بأسرع وقت بعد الولاده لأنه المويه الزايده تؤثر على خلايا الدماغ والله العالم اي جزء راح يتأثر وعشان يتعود جسمه عليها وماتفشل وتضطري تعيديها
حابه بس أقولك أسألي الدكتور سلسة ظهره مكتملة النمو ولا لأ
والله حاسه فيك عملها ولدي وانا عمري 18 وبكريه الله لا يحرمني الأجر
أي سؤال أنا حاضره من هنا الى ما شاء الله ياقلبي
ضروري من مرت عليه حالة استسقاء دماغي "جزاكم الله خير "
متابعة النقاش، صفحة 7