حبيباتي انا بقول قصتي لكل وحة تنتظر الحمل انا تزوجت عمري18 سنة عمر 19 جبت بنتي الكبيرة بعدها بسنتين جبت الثانية عمري 22 سنة انقطعت الدورة من هرمون الحليب سنة .....سنتين.....ثلاث.....السنة الرابعة نزلتها بأدوية حملت الحمد الله بولد ورجعت انقطعت 7 سنوات جربت كل شي عشان تنزلماعاد فاد علاج او اي شي و رحت امريكا والمانيا والسعودية والدوحة والامارات الكل اجمعو انة مستحيل تنزل الدورة قالت لي الدكتورة مستحيل تنزل رجعت البيت ابكي تعبت كني عجوز في سن اليأس لقيت أمي عندي في البيت عطتني كتيب الرقية الشرعية وداومت على أذكار الصباح والمساء والرقية الشرعية بعد صلاة العصر بعد شهر نزلت والله يابنات كنها اول مرة تجيني الدورة اتصلت على الدكتورة الي تقول مستحيل ورحت لها العصر ماصدقت لين تأكدت ورجعت حطمتني قالت بس مستحيل يصير حمل هرمون 4000 رجعت البيت وانا محطمتني الدكتورة عدل وزدت على الرقية والاذكار الثلث الاخير من الليل والدعاء الدعاء يابنات في جوف الليل سهام الليل لاتخطئ وبعد شهرين حملت وماصدقت رجعت لدكتورة تدرون شقالت لي ارجعي البيت مستحيل يتم هرمون الحمل 100 وهرمون الحليب 4000 رجعت البيت للمرة المية وانا محطميني بس مايأست استمريت على القراية ورجعت لها والله انة الدكتورة منادية رئيسة قسم الولادة عندنا من الصدمة والخبر الي صعق القسم كامل اني حامل بتوأم ولا عطوني مثبتات او اي شي في البداية على اساس انة بينزل وبقدرة واحد احد اكتمل الحمل وجبت بسم الله ماشاء الله احلى توأم وعمرهم سنة الحين
انا طولت عليكم بس والله من الكلام الي اسمعة من بعض البنات لاتفقدين الأمل بالله قيام الليل مع الدعاء بأذن الله كلكم نلقاكم في قسم الحمل ان شاء الله والله اني ادعي لكم وانتو ادعو الله يخلي لي عيالي ويحفظهم
شاركي في النقاش
سجلي الدخول لإضافة تعليق.
التعليقات
69مواضيع مشابهة
تابعي تجارب أخرى من هذا القسم.