ساعدوني اربيهم او لا

الله يكتب لك ولهم الي فيه الخير

الصراحة احس انها صعبة وعلى مايبدو لي انه مافيه قرابه من الأساس بينكم,ولو يصير لهم اي شي راح تكوني انت المسؤله لاسيما نا اهلهم موجودين وراح يتابعون اخبارهم ويحملونك مسؤلية اي شي يصير لأولادهم ,, اما اذا كانوا مالهم احد بالمره كان أيدتك تربينهم ,,أخاف يلحقك وجع راس ,, لكن على اي حال استخيري,,لأن تربية الينيم وكفالته اجرها عظيم,,

طيب افرضي انك اخذتيهم وربيتهم وكبروا
اول شي زوجك مو محرم للبنت
وانتي لازم تتغطيين عن الولد واذا جاك اولاد بيكبرون ولازم يتغطون عن بعض
انتي لاتفكريين للوقت القريب وبس لا فكري لبعديين
اخااف البنت و الولد يتعلقون بك ثم صعبه اذا كبروا يبعدون عنك
استخيري اكثر من مرره
تربية اليتيم لها فضل كبيررر
ربي يكتب اللي فيه خيره لك وللاولاااد

حبيبتي آسفة بس شكلج صغيرة ومتأثرة بالأفلام

طليقج وزوجته توفوا الله يرحمهم .. إنتي داخله بالنص ليش ؟ خلاص طليقج الله يرحمه وهو عنده أهل وزوجته عندها أهل .. تربين العيال على أي أساس ؟ إنتي خلاص انقطعت علاقتج فيهم من بعد الطلاق وكل واحد راح لحاله وتزوج وعاش حياته

حتى سالفة الوصية هذي فيها حكم شرعي مو وصية وتتنفذ على طول !! الحضانة محتاجة محكمة تعطي العيال للحاضن المناسب وعليها حكم قانوني وحكم شرعي ورعاية قصر وراتب شهري ويعتمد على عمر الطفل وذكر ولا أنثى وسالفة طويلة كلها تكون بين الأهل فقط .. إنتي تعتبرين غريبة بالنسبة لهم مستحيل يسلمونهم لج لا بوصية ولا غيره !!

وعلى إفتراض إنهم مستغنين عن المحاكم وما يطالبون بحقوق عيالهم ..

تتوقعين أهل الطليق وأهل الزوجة ما يبون عيالهم ولا شنو ؟

وزوجج راضي تربين عيال طليقج من زوجة ثانية ؟؟؟؟ لا تفتحين معاه الموضوع من الأساس لا يقولج إنتي بعدج تحبينه وما نسيتيه ويقلب عليج الدنيا .. أصلا إنتي خليج برة الموضوع ولا تتكلمين فيه والمفروض حتى العزا ما تروحين لأنج رايحة بصفتج شنو ؟؟ ما تدرين يمكن تكلموا الحريم عنج هناك وقالوا البنت على ذمة زوجها وجاية تعزي بطليقها ّ!!! يا فضيحتي

يا بنت الحلال لا تزعلين من كلامي بس تفاجأت شلون إنج على نياتج وشكلج طيوبة ورومانسية .. مسكي زوجج وعزيه ورزيه وإنسي الماضي كللللللله لا تخلينه يتحكم فيج ويخرب عليج حياتج