اخواتي .. ادعوا لي .. انا في ضيق


السلام عليكم اخواتي الكريمات

انا اول مرة اشارك في منتدي واتكلم مع ناس يمكن يكونوا مش قريبين مني و ميعرفوش عني حاجة بس احنا كلنا بيجمعنا الاسلام . انتم زي اخواتي و اصحابي , و انا عايزة اطلب منكم حاجة بس الاول هقولكم حكايتي باختصار علشان محدش يمل من الموضوع ...

انا الايام دي في مشكلة كبيرة جداا و انا مش هبالغ لو قلت انها اكبر مشكلة مرت عليا في حياتي كلها و ربنا المستعان . المهم .. انا من حوالي 15 يوم كنت في منتهي السعادة و الراحة اللي ممكن يحس بيهم انسان ورجعتي فرحة استنيتها سنين و شهور وحسيت اني خلاص سعادتي هتبدأ و كان في ليلة القدر علشان كدة كنت حاسة ان ربنا استجاب لدعائي طول شهر رمضان و فرحني في الليلة الحلوة دي . بس بعد اسبوع بالظبط اتقلبت الدنيا و اتقلبت حياتي كلها في لحظة اتظلمت فيها من اقرب الناس ليا ظلم عمري ما حسيت بيه و سمعت منهم كلام كان استحالة اصدق انهم يقولوه او انهم يظنوا فيا ظن السوء .. الناس دي غاليين عليا قوي و كون انهم يفهموني غلط شئ بيعذب فيا و يحسسني اني فعلا غلطانة حتي لو انا مش غلطانة في حاجة .بس انا مش هنكر اني غلطت بس غلطتي مش كبيرة بقدر العقاب الكبير اللي انا بتعاقبه رغم اني سامحت قبل كده كتير و اتهاونت في حقي ن غير ما احس اني بتفضل بحاجة . انا بدعي ربنا كل يوم يرفع عني الظلم ده ويحنن قلبهم لانه ميرضاش ان انسان كويس يتظلم و عارفه ان ممكن يكون ده اختبار منه . انا مش قادرة اتكلم مع أي حد قريب مني رغم ان الحزن باين عليا جدا بس مش عارفة اقول انا فيا ايه بس انا بتكلم معاكم .. علشان كده انا بطلب منكم تدعولي كتييير ربنا يفرج همي ويسعدني .. يعني اي واحدة وهي بتصلي او بتقيم الليل تفتكر تدعيلي . انا محتاجة كل دعاء .. انا عارفة ان ربنا مش محتاج واسطة بس دعاء المسلم للمسلم فيه فرج بأذن الله و اوعدكم اول ما المشكلة بتاعتي دي تتحل و ربنا ينعم عليا برحمته و فرجه انا هقولكم كلكم .. ارجوا اني مكنش طولت عليكم و اتكلمت كتير .. لا تنسوني في دعواتكم و جزاكم الله خير.

14 تعليق 1,117 مشاهدة

شاركي في النقاش

سجلي الدخول لإضافة تعليق.

التعليقات

14
  1. @mhad_1

    أسأل الله بأسمائه وصفاته الحسنى التى إن دعوناه بها أجاب
    أن يفرج همك ويكفيك ما أهمك عااااجل غير أجل
    وقولى دائما صبر جميل والله المستعان وبعون الله تفرج
    وبشرينا ما تنسى
  2. صاحبة الموضوع
    اختي مهاد ..
    اشكرك جدا علي اهتمامك وردك ودعائك الجميل ليا وربنا يتقبل منك و يكتبني من الصابرين و يكون فرجه قريب والحمد للهِِ علي كل حال
  3. @alamor_3

    اللهم إني أسألك بأني أشهد أنك أنت الله الواحد الأحد..الفرد الصمد..الذي لم يلد ولم يولد..ولم يكن له كفواً أحد
    اللهم فرج عن أختنا راجيه رحمة الله فرجاً من عندك قريب
    اللهم ارفع الظلم عنها
    اللهم آمين..اللهم آمين..اللهم آمين
  4. اللهم يا حنان يا منان يا ذا الجلال والكرام يارب
    اسالك يالله بكل اسماك الحسنى وباسمك الاعظم الذي اذا دعيت به اجبت واذا سالت به اعطيت
    اللهم انك الاحد الصمد الذي لم يلد ولم يولد
    يالله لااله الاانت سبحانك انا كنا من الظالمين
    اسالك يالله يالله يالله ان تفرج هم اختي وتستبدله همها فرحا وسرورا يارب
    اللهم يالله عاجلا غير اجلا

    اللهم اجعلها ساعه اجابه في هذا الوقت المبارك وهذا الساعه المبارك في اخر الليل ياااااااااارب

    اللهم صل على سيدنا وحبيبنا محمد صلى الله عليه وسلم
  5. @am_khald1972

    اللهم يا حنان يا منان يا ذا الجلال والكرام يارب
    اسالك يالله بكل اسماك الحسنى وباسمك الاعظم الذي اذا دعيت به اجبت واذا سالت به اعطيت
    اللهم انك الاحد الصمد الذي لم يلد ولم يولد
    يالله لااله الاانت سبحانك انا كنا من الظالمين
    اسالك يالله يالله يالله ان تفرج هم اختي وتستبدله همها فرحا وسرورا يارب
    اللهم يالله عاجلا غير اجلا

    اللهم اجعلها ساعه اجابه في هذا الوقت المبارك وهذا الساعه المبارك في اخر الليل ياااااااااارب

    اللهم صل على سيدنا وحبيبنا محمد صلى الله عليه وسلم

تابعي تجارب أخرى من هذا القسم.