اللي حكيمه وعندها عقل وعاطفه ترد علي

لا إله إلا الله

ما أدري مع الحر صارن الحريم مايفكرون زين

هذي ثالث مشكلة أقرأها اليوم وأحس الحريم يجيبون الغثا لأنفسهم وهم سالمين

الحين ياقلبي أنتي حااااامل يعني بتصيرين حساسة لكل شي من أكل ومن ريحة ومن كلام

يعني ماتتوأخذين بهالخرابيط اللي تفكرين فيها

واسمحي لي أقول خرابيط لأنها ماتأثر في علاقتك مع زوجك ولا مستقبل عيالك

وصار إن شاء الله ولد شيخ القبيلة وهو يصبحك ضرب ويمسيك ضرب هذا اللي تبينه

أهم شي دينه وأخلاقه وتكونين مرتاحة معه أما مهوب من قبيلتي أو من ديرتي أو مايعرفونه

كل هذا لا يقدم و لا يأخر والظاهر الناس ماشافوا عندك ثقة بنفسك قاموا يزودون عليك بالكلام

إذا قالوا مانعرفه قولي يمديكم تعرفونه أو هذاكم عرفتوه أو هل كل الناس تعرفونها

يعني عطيهم في وجيهم مثل مايعطونك في وجهك

أو جيبيها بضحكة قولي أنا غير علشان كذا زوجي يصير غيييييييير واقهريهم

وخوذيها نصيحة من أخت لك في الله إذا زوجك يخاف الله ومكرمك حطيه بين عينك وجفنك

وعزيه قدام الناس وافتخري به وأنك زوجته ولا تزودين المدح همين يصكونك عين

وأي وإياك تسمحين لأحد يقول فيه شي وأنتي موجوده

وحده أعرفها رجلها الله يستر عليه و أخوها عيار والله أنها ماتخليه يقول فيه شي ورجال خواته مشرشحهم شرشحة

ليه ؟ لأنها عرفت لو بتوطي من قيمته الكل بينقص منه قدامها وقدام عيالها

خليك واثقة من نفسك و ريحي خاطرك مرة وكثري من قراءة القرآن وانفخي على بطنك حتى يصير جنينك هادي

وهالدنيا وأنا أختك كلنا بنروح منها بكفن أبيض ومايبقى إلا الذكر الحسن والأفعال الطيبة بين الناس وهذي مالها دخل بفخذ ولا رأس

كلكم لآدم وآدم من تراب

ملحوظة : لا تظنين أني أكتب هالشي وتقولين ماتحس لأنها ماهي قبيلية إلا قبيلية ومن شيوخ القبايل لكن بالعقل نحكم علاقتنا مع الآخرين

مهوب بشوية عادات موروثه لا تقدم ولا تأخر

وصرنا من شيوخ القبايل والله لا زدنا برجل ولا بيد ولا نقص غيرنا

بكيتيييييييييييييييييني احس انك فهمتيني


حبيبتي هم اصل والحمدلله وصحيح كلامك هم مو كثيرين مره عشان كذا مو معروفين ..
بس ما ابي اعيش حياتي كذا طول عمري بس افكر بالموضوع و خايفه مو عارفه ايش اسوي قلبي يعورني
ما ادري ليش صرت بهالورطه ليش ليش ..
احس اني انانيه ما فكرت الا بنفسي بالبدايه ومافكرت بالاطفال بكره والحين انا اتجرع المراااااااااااااااااره
ياليتني انسانه ملتزمه حق وحقيقه وماعندي ذنوب ولا معاصي كان طلبت من ربي يقبض روحي وارتاح واريح ..