ساعدوني اربيهم او لا — صفحة 13

5 أغسطس 2010

شمـsunـس

مدري ماركبت معي...................

مساء الخير

اسمحي لي حبيبتي الموضوع مادخل مزاجي مثلي مثل معظم البنات اللي هنا وراح اقولك بالتفصيل ليه الموضوع مادخل مزاجي << يمكن تستفيدين منه في تأليف القصص عشان تصير مقنعه

اولا قلتي انك عشتي عنده شهر و بعدين قلتي في موضوعك الثاني انك عشتي عنده شهرين << مو مشكله يمكن الشهر الثاني كنت زعلانه عند اهلك :)

ثانيا قلتي انه ماكان فيه اتفاق بينكم في الفتره اللي عشتي عنده وكان يضربك ويهينك وان خواته كانوا يسلطونه عليك

شلون يجي يوصيك انتي على عياله وانتي ماعشتي عنده الا شهر بمشاكل بينك وبينه وبينك وبين خواته وفي المقابل زوجته اللي عاشت عنده وجابت منه عيال مايوصيها على عياله لا هي ولا امها ولا خواتها ولا اهلها << وش هالتناقض

ثالثا شلون يكتب وصيته وهو صاير له حادث ولو قلنا انه كاتبها من قبل شلون يكتب ان يوصيك انتي تربين عياله ليه وين زوجته ؟؟ ولا هو كان يعلم الغيب ان هو وزوجته بيموتون في وقت واحد << استغفر الله بس

واذا كان موصيهم بعد ماعرف ان زوجته توفت على اي اساس يوصيك الى هالدرجه هو غبي عشان يسلم عياله لطليقته اللي كان بينه وبينها مشاكل واللي متزوجه من رجال غريب ؟؟

رابعا اخوات طليقك وش هالحب لك اللي جاهم فجأه اول مره يكلمونك يقولون لك ترى فلان مات وثاني مره تراه موصي انك تربين عياله << هم غبيات بعد مثل اخوهم يسلمونك عيال اخوهم ,, والله لو انهم عدوهم؟؟؟

خامسا وهي الطامه الكبرى ان فرضا مثلا يعني ان اهل طليقك مايبون عيالهم

لا جدهم ولا جدتهم ولا اعمامهم ولا اعمامهم

وين اهل امهم ؟؟
وين جدتهم لامهم وجدهم وخالاتهم واخوالهم

ولا العايلتين كلهم رخوم ومافيهم واحد رجال وفيه حميه على عيال اخوه ولا اخته انهم يتربون عند وحده غريبه وزوجها ؟؟

يعني معقوله ماطلع من العايلتين واجد رجال يقول لا عيال اخوي ولا اختي مايتربون عند الرجال الغريب و زوجته

يااختي اذا الوحده توفى زوجها ولا تطلقت وجات تتزوج الدنيا تقوم وتقعد عشان ياخذون عيالها منها وماتتربون في بيت زوج امهم

شلون عاد طليقة ابوهم و زوجها

اسمحي لي عاد الى هنا واعتقد ان كل شي صار واضح ليه السالفه ماتدخل المخ وان احنا هنا مو اغبياء

سادسا اذا فرضا موضوعك صحيح اقولك لا تربينهم لان البنت ماهيب حلال على زوجك والولد لو كبر وجبتي بنات بيصير مو حلال عليهم وشوفي عاد الحرب اللي بتقوم

سابعا الكلمه موجهه للأخوات اللي يجزاهم خير اللي نصحوها تاخذهم وتربيهم على اساس انهم ايتام

انا السالفه مادخلت مزاجي لكني بقولكم كلمه لوجه الله

اذا فرضا كلامها صحيح

مافكرتوا بالعيال اللي بيتربون عند وحده غريبه و زوجها

مافكرتوا بكرا اذا كبروا ولقوا انفسهم بعيد عن اهلهم وكانهم عار على اهلهم و منبوذين من اهل امهم واهل ابوهم مافكرتوا بالفروق اللي بيحسون فيها بينهم وبين عيال طليقة ابوهم اللي على اساس بتربيهم << لازم بيكون فيه فرق

مافكرتوا بالتراكمات النفسيه اللي بيعيشونها لما يحسون ان اهلهم حطوهم بملجأ بس بطريقه ثانيه

اذا فعلا تبون لها الاجر وتبونها تكسب اجر كفاله يتيم انصحوها تكفل يتيم من الدار لانهم فعلا ماعندهم احد يكفلهم غير ربهم اللي خلقهم وهم اللي فعلا محتاجين وبنفس الوقت بيكون لها اجر كفاله اليتيم

لكن هالتؤام عندهم بدال العايله ثنتين ومااعتقد العايلتين بكبرها بترميهم في الشارع

ويكون بعلمكم اول شخص بيحقدون عليه التؤام هي طليقة ابوهم لانهم بيقولون لها لو ماوافقتي انك تربينا كان ربونا اهلنا وعشنا بوسطهم

وعلى فكرة الدعوى مو سايبه تربيتهم لها سلم وترتيب

اول شي جدتهم لامهم واذا كانت ماتصلح او متوفيه جدتهم لابوهم ومن هالكلام الكثير والاصلح والانسب ولهم راتب ابوهم وموضوع طووويل عريض

اعذروني انا تحمست واجد بالموضوع عشان اوضح لكل وحده تفكر تألف ولا تخترع قصص ترى البنات هنا مو غبيات ولا راح يتفاعلون مع اي موضوع

ومثل هالمواضيع ترانا بدال مانتفاعل معها نقعد نضحك عليها والبعض يتحسب عليكم والعبض يتحمد ربه عليكم

ففكروا ألف مره قبل لا تخترعون خرابيط

تبين فكره للجزء الثالث من القصه عندك خيارين

ياانك تجين تقولين لنا يابنات انا اخذتهم و ربيتهم بس طول الوقت اضربهم وانتقم منهم عشان ابوهم وخواته اللي عذبوني

ولا انك تحبينهم وكل ماتشوفينهم تتذكرين ابوهم وانك بديتي تفرقين بينهم وبين زوجك وتهملين زوجك عشانهم

بنات توقعوا بعد فتره تجي تقولكم ترى الموضوع كان عباره عن جزء من رواية كاتبتها بس بشوف ردود فعلكم تصدقونها ولالا

معليش اقولك ماتنفعين حتى بالتأليف

حتى الروايات والقصص لازم تكون واقعيه يااختي لانها تمثل واقعنا ومجتمعنا