كل وحده عندها ام زوج عايشه تدخل تدلو بدلوها ...
مراااحب ياقمرااات اسال الله ان يبارك لنا فيما بقي من شعبان وان يبلغنا رمضان ونحن بأتم الصحه والعافيه ع طاعته وعبادته ولجميع المسلمين ..ياطويلات العمر انا ساكنه بمنطقه تبعد عن ام زوجي 150 كلم وهي حرمه كبيره عندها سكر وهشاشه يعني لازم احد عندها وانا زوجي الصغير وفوقه 5 خوات متزوجات ثلاث منهن ساكنات بمنطقتها بس وحده من بناتها ساكنه مره جنبها ومجلسه وحده من بناتها عندها تطبخلها وتشتغلها بس خبركم رمضان كيف الشغل عزايم ولمات ..المهم رمضان العام طلبة شغالتي العشر الاواخر واعطيتها لان بنتي كانت صغيره مع العلم عندها 3 من بناتها عندهم شغالات وبناتهم كبار ويقدرن لو كل وحده تجيبها اسبوع عند امهن ..بس ماتتجرأ عليهم واعطيتها اياها عادي لان انا ماني متعوده على الشغاله وماجبتها الا لما توظفت ...وهالسنه نفس الشي طلبتنا اياها بس ما رضيت لان بنتي كبرة ماشاء الله بس للاسف تعبانه حركتها مرررره كثيره وماتنترك لحالها وعندها تشتت انتباه واحتمال توحد المهم الله عالم بحالتي معاها ما اقدر اخرج فيها الا الشغاله معايه لان مره تفشلني كثير عند الناس لازم احد وراها ماتدرك الخطر ابدا وهم عارفين هالشي ولا انا كاره الشغاله وماني طايقتها بس كله عشان بنتي ..ضميري يأنبني لان رفضت انا مررره حساسه وما احب ارد احد ...ها وش رايكم تصرفي صح ولا لا ...لا تقولون استقدمولها لان ضروفهم صعبه شوي حاليا..