زوجي هادي ويستحي مملكه لي اسبوووع ابغا حل الله يسعدكم احزن والله

السلام عليكم...

مثل ماشفتوا العنوان انا ملكت لي اسبوع وعليها الحمدلله ويااااارب عقبال الباقيات..

المهم كلمني لكن احسه يستحي هذا طبعه لانه مايختلط مع احد الا مع اخواته وخالاته..
كيف اخليه يسولف والله ارسل رسالتين ومارد حاولت ادلعه يستحي المفروض انا اللي استحي هو يتصل بالليل وماأطول اكثر شي جلست ساعه ونصف...

ابغا حل الله يسعدكم زواجي 12..
وخايفه هو من جماعتي واعرف اهله وكل شي..
انتظر ردودكم والله احزن مقدر اشكي لأمي ولاعندي اخوات وزميلاتي استحي..
وبغا تدعون لي...

54 تعليق 9,508 مشاهدة

شاركي في النقاش

سجلي الدخول لإضافة تعليق.

التعليقات

51
  1. @kshkoshh_hanm

    عادي الخجل هذا مع مرور الوقت يروح.. وهذا ان دل على شئ دل على انك اول انسانه في حياته وبعدين قدامك 3 شهور راح تعرفينه فيها فلا ستعجلين.. :)
  2. @alklam_alsaab

    طبيعي تصرف زوجك مااشوف انها مشكله ابدا .. لانه اول تعارف بينكم محتاجين وقت يتعرف على شخصيتك ولا حقين على الجرأه
    والله .. بعضهم تشتكي تقول مايستحي مني وجريء ودفش بالكلام ..
    احمدي ربك . وانتبهي تقولين له انت تستحي .. بتزيدين المشكله ويمكن يروح باله بعيد ويظن انتي الي جريئه من اولها

    بكره بعد الزواج راح تتعودون على بعض ويصير طبيعي معك
    لكن انتي لاتدلعينه بزيااااااده ولا تتغزلين فيه صريحه
    لان يمكن هذا التصرف يزيد خجله واستغرابه
    والمكالمه والعلاقه بين الزوجين ماتقاس بمدة المكالمات .. ياما ازواج يكلمون سااااعاااااات وبالنهايه مافي اتفاق ولا سعاده
    وساعه ونص زين ... لاتنسين وراه فواتير ...

    على العموم اتمنى لك التوفيق ..
  3. @mhb_alryh3

    الله يعينك بس نصيحه مني لا تعوديه على كذا انك تبدين انت ترسلين خليه لاحظي مالكم فتره مملكين مع الايام بيتجرء اثقلي شويه الله يسعدك
  4. @oshlonamghlyk

    اسبوع ومستعجله

    لااااااا اخبر الشباب هم الي يشتكون من خجل البنات

    اصبري عليه بدري انك تعرفينه ويمكن هو يختبرك

    وش تبين يعني يبين لك؟؟ والتلفون ساعه ونص سوالف وتقولين قليل

    عشر دقايق سوالف كثيره

    الله يوفقك
  5. عادي ياقلبي بس لانه في البدايه
    لمن يتعود عليك رح يكون احسن من كذاااااااااصدقيني
    اصبري عليه شوي فديتك
    يازينهم وهم خجوووولين خخخخخخ
    ربي يسعدكم ياررررب

تابعي تجارب أخرى من هذا القسم.