مدري انا في نعمه والا في نقمه

هلا اخواتي العزيزات :42:
كيفكم ان شاء الله مستعدين لرمضان الله يبلغنا اياه على خير
بنات انا فيني صفه كنت احسبها حلوه لكن للأسف كل اللي حولي يذمونها :44:
ويقولولي بطليها
وهي الابتسام >>>> زي ذا :)
يابنات لاتستغربون والله اتكلم جد انا من طبيعي ابتسم لأي احد يعني اذا جات وحده سألتني الساعه كم ابتسم وارد عليها لو حرمه كلمتني في سوق والا في مستشفى ابتسم وانا اكلمها في العزايم اذا انتبهت ان احد يطالعني ابتسمله حتى لو ماعرفه ولمن احد يقدملي شئ ابتسم انا ماعندي مشكله بس صار يجيني نقد من صديقاتي و قرايبي
يقولون اني مخفه :09: وابتسم لاي احد
اذكر مره في زواج رحت الحمام انا وصديقاتي نعدل مكياجنا واحنا طالعين في بنات داخلين الحمامات وكان معاهم وحده كانت تدرس معاي بالثانوي و سلمت عليها بداية الزواج جات عيني في عينها و ابتسمتلها يوم مشينا قالتلي صديقتي تعرفينها والا لا قلتلها ايه اعرفها قالتلي لاني انصدمت قلت اكيد ديما باقي على عادتها تبتسم لاي احد
صراحه ضاق صدري
ومدري مين الصح انا والاهم
ووحده ثانيه من صديقاتي تقولي الناس معد بتحسبلك حساب الناس تحب اللي يبان شايف نفسه ومايبتسم لاي احد
انتوا ايش رأيكم :(

40 تعليق 2,454 مشاهدة

شاركي في النقاش

سجلي الدخول لإضافة تعليق.

التعليقات

35
  1. @n_27

    ماشاء الله عليك
    ما اعرف ابتسم ابد واذا رسمتها احسها باهته ههههههههه
    طبعي كذا جديه لابعد حد على قولة صديقاتي نكديه خخخخ
  2. @ksymyh_bgdh

    البلاء بصديقاتك موب بك الي يبون يمسحون الابتسامه من وجهك

    ماعليك من احد الابتسامه صدقه وهي تحسس الواحد باريحيه مع الشخص الي قدامه

    وفيها تواضع ومحبه اوما شوفت النفس ذي ماقاله لا الله ولارسوله

    ابتسمي وابتلي مبتسمه والله ان الابتسامات تزيل نص الهم من القلب

    وياحظك بالاجر

    من كثر مااحب اتبسم بوجيه الخلق لاحظي كل ردودي اخرهن فيس مبتسم :)
  3. @bkaya_aml_6

    سبحان الله انا طبعي نفس طبعك حس الأبتسامة تطلع تلقائيا

    بس مافي مشكله وتبسمك في وجه أخيك صدقة والحمد لله

    دام أن الأبتسامه صدقة فما علينا من المنتقدين

تابعي تجارب أخرى من هذا القسم.