مين جربت جهاز الـ wii لاولادها

السلام عليكم ورحمة الله وبركاته

اهلين عسولات حواء .... محتاجة فزعتكم ... والسبب ولدي ... والقصة هي :
انه طال عمركم ولدي عمره 12 سنة :arb: وعنده بلايستيشن 2 .... ومزعجني بالمرة يبي سوني 3 ... وبصراحة من شفت العاب سوني 3 والادمان عليه لدرجة تجيب المرض ما رضيت ادخل مع ولدي في دوامة ... وسالفة تحديد الوقت للعب ما هي مضمونة بالنسبة لي ..... وبدينا نفكر في جهاز الوي ... لكن خايفه اشتريه ويصير قد الخسارة بس :09: ... سمعت ناس يقولون انه ممل وما يحبونه الصغار .... فهل فيه احد منكم جربه مع اطفاله وكيف كانت تجربتكم ؟
وبالمرة ( علشان انا طماعة وانتم كريمات) هل فيه مواصفات مختلفة لاجهزته والا نوع واحد اللي موجود بالسوق ؟

وتسلمون لي يالغلا

18 تعليق 2,996 مشاهدة

شاركي في النقاش

سجلي الدخول لإضافة تعليق.

التعليقات

18
  1. @amp_kokb_zhl_amp

    جهاز wii انا يالكبيرة نفسي فيه بس مدري عن الصغار يناسب لهم
    وفيه منه نوعين اوربي وامريكي
    ولا اعرف وش افضل؟
    اتوقع اللي بجرير افضل وعروضهم حلوة
  2. انا شريته لعيالي بس هم اربعه الله يحفظهم --اول مايستخدمونه بيتعبون من ييديهم وكذا عشان بيستنكرون الحركه---بعدين عادي انا حتى وابوهم نلعب معهم وهو تقريبا له عده غير الجهاز يعني شريط السيارات معه دركسون وكهو ممتع ومره منسجمين فيه ويحركهم على الاقل --بس اذا كان ولدك لحاله ماانصحك تشترينه لانه بيجهده-الا اذا خصصتي له وقت--حتى فيه اون لاين وموصفات حلوه واشرطته فيه منسوخه يعني رخيصه ب10 و15
    وسلامتك

تابعي تجارب أخرى من هذا القسم.