السلام عليكم دكتوره
انا عندي مشكله واحس انها معقده شويه وتاعباني مره
انا يادكتوره ينزل على دم دايم يستمر بالشهور ماينقطع ممكن ينقطع يوم يومين ويرجع
اوقات كثيف واوقات عادي مثل ثالث يوم بالدوره ومايكون مصاحبه اي عرض من اعراض الدوره
ولا يتعبني غير نزوله المستمر ودايم ماينقطع الا اذا استعملت منظم للدوره الي يشبه حبوب منع الحمل
واذا انقطع عني الدم ماعاد يجي الا بعد سته شهور او سبعه ممكن تزيد ممكن تنقص وماتنزل عليه دوره طبيعيه الا نااااادر مع استعمال ادويه
او منشطات
علما بأني راجعت في كثير مستشفيات منها الخاص والعام ولكن مافيه فايده اغلب الدكاتره يعطوني منشطات وابر تفجيريه او حبوب منظم للدوره حق ثلاث شهور
انا عندي ولد واحد عمره 8 سنوات و ماقد حملت طوال هذي المده
حملت بعد شهر واحد بس من زواجي
قبل الزواج كانت تجيني دوره طبيعيه يصاحبه مغص والالام بس مو منتظمه تقريبا كل ثلاث شهور او اربعه
ومرات تكون منتظمه كل شهر
استعملت مانع بعد ولادتي لمدة 3 سنوات الا هو حبوب وخليته ومن يومها ماتجيني الدوره طبيعيه بدون نزيف ابدا الا بالعلاج تقريبا مره في السنه وباقي الشهور يكون دم ماينقطع
قبل 4 سنوات عملت لي الدكتوره تنظيف للرحم لانها اعطتني كل الادويه وماوقف الدم
سويت سونار في مره من المرات وقالت لي الدكتوره الرحم مرتخي وكبير مارجع لحالته الطبيعيه بعد الولاده
ودكتوره ثانيه قالت لي بطانة الرحم عندي سميكه وفيه تكيس بسيط
الهرمونات شوي مخربطه هرمون الحليب عندي تمام
علما بأن المبايض تستجيب للمنشطات بس انا مااستمريت عليها الا شهر واحد بس
اتمنى منك يادكتوره انك توجهيني ايش اعمل وهل ممكن يكون لهذي اللخبطه علاج
وممكن اني احمل وتنصحيني اراجع عند دكتوره
انتظر ردك الله يسعدك
الدكتور اسماء .. *استشارية طب النساء و الولادة .. تجيب على اسئلتكن .
متابعة النقاش، صفحة 59