الملف ال3 ل(مستشفيات الشــــرقيه...{الدمام_الخبر_ال جبيل_الاحساء} ..)

بالنسبه لمحاسن الي تسال عنها اذا هي السودانيه فنانه حب الي بالتجمع دخلت عليها اظن مرة واتوقع كتبت عن زيارتها بس بشوفها لك بالقروب الماسن لو دخلت لان لها كم يوم مااشوفها فيه وكانها بتغير تقول ماعجبتني بااااااااااااااارده

بنات خبرتي في سعد
صار زي الزفت
ولدت عنهم من قبل سنتين
المتابعة و الولادة رووووووووووعة
و الحين متعبين لا دكاترة و لا تعامل
تخيلو قبل اسبوع دخلت على دكتورة فينا استشارية
زوجي يسالها عن البيبي اذا بنت لان ماندري للحين
تقول له اسكت خلني اشوف شغلي
الله يستر من الولادة ما ادري وش يسون فيني

اللي تسال عن محاسن
مثل ما قالو البنات باردة
يعني كان ينزل مني دم ببداية السابع و هي تقول عادي ليه تخافين

هلا بنات جميعا

اتمنى انكم بخير يالغاليات .. و الف الحمد لله ع سلامتك ريوفه ما لك شر يا عسل

انتبهي ع نفسك يا عمري وربي ييسر امرك و يقومك بالسلامه حبيبتي

بالنسبة لسعد مرت اخوي دخلت ع اغلب الدكاترة و الدكتورات طول فترة حملها تخيلوا و لا احد اعطها وجه

كانت تعاني من زلال ولا حتى كانوا يسوون لها تحليل ,, كنت اقول لها روحي و قولي لهم سووا لي تحليل كذا و كذا بحكم الخبرة خخخخ وكانت توقعاتي صحيحة

وفي الاخير طلقت سعد وولدت في الحرس ولا احلى ...

وربي يهون ع كل حامل ... في الاونة الاخيرة ساء سعد جدا و حتى الدكتورات شانت انفسهم :(

ربي يعين

صباح الخير عليكم


والله يابنات ماعرفنا لكم؟؟؟ من اسبوعين كل المدح راااايح لسعد وفجأه الكل يذم فيه.... والله خوفتوني :(

بالنسبه لي دخلت مره على دكتوره فينا صحيح شكلها بارد ...بس لما تسالينها اي سؤال تجاوب عليه وكانت متعاونه وع فكره هي استشاريه

بس حابه اسالكم مين جربت دكتوره نيفين في سعد؟؟ وكيف تعاملها؟