شاركي في النقاش

سجلي الدخول لإضافة تعليق.

التعليقات

441
  1. @ohg_almsaaa

    اسالك بالله انتي صادقة في كلامك ماني قادرة اصدق ان فية انسانة عايشة مثل كذا
    كثيير بنات كسولات لكن ماتوصل فيهم لهدرجة ممكن يخلون المواعين لظهر او العصر
    لكن اسبوع وعشرة ايام والله ماني قادرة اصدق
    اسفة اذا جرحتك لكن لية الاهمال هذا كلة هذا وانتو اثنين بس كيف لو جاك
    طفل اتعوذي من ابليس وقومي على بيتك نظفية والاخت جلمودة ماشاءالله ماقصرت
    الحقي على عمرك قبل زوجك يطفش منك ويتزوج عليك وعندها ماينفع الندم

    اكثر شيء مو مصدقته هو الخمسة اللي شكروك على هالموضوع...هههههه
    والله انك يا إما تمزحين او تتسلين..
  2. وخزيااااااااااااااااااااااااه بس وعيباااااااااااااااااااااااااااه بتكبرين اكثر من كذا؟؟؟؟
    بكرا بيجيك عيال وبيوسخون البيت لك بثواني وبيصير السيطره على الوضع صعب علميني وش بتسوين ساعتها بتخلينهم يمرضون من القذاره...؟
    عيب عليك لا تقولين كسل ومدري وشو واتعب ومن هالخرابيط ترا مالك عذر ابد ابد ابد اضغطي على نفسك واستحي من ولد الناس والغريب هالعينه من البنات كثرت هاليومين ويقولنها بعد بفخر
  3. @shok_h

    هلا حبيبتي انا بقولك تجربتي وان شاء الله تستفيدين انا بيتي كبير وماعندي الازوجي ولاعيال ولاخدامه وزوجي راعي عزايم وانا حدي كسوله مااحب اسوي شي الا غصب
    بس شفت ان الرجل يميل للمراءه النشيطه والنظيفه قلت خل اتسنع شوي وحطيت لي جدول
    قلت لزوجي اذا صحى للدوام يصحيني معاه لاني مااصحى من كيفي لازم احد
    وعلى هو مايلبس انا اكون مجهزه فطوره اي شي خفايف او اكون مجهزته باليل واذا راح رجعت ونمت وقلت له يصحيني الساعه 12 قمت الظهر ركبت غداي ع النار وتحممت واستشورت شعري وحطيت ميك اب ونظفت غرفه القعده واحسن شي لتعطير البيت بدون تعب الفواحات ولعيها وحطي وحده عند المدخل والحمام وغرفه القعده والمبخره الكهربائيه رووووووووعه حطي البخور وشغليها شوي ودوري ف البخور ف البيت كله
    اذا جازوجي حطيت الغداء وبعده ع طول اغسل المواعين عشان ماتراكم ويوم الاثنين خصصته لغسل الملابس
    والحمامات انظفها يوم بالاسبوع وكل يوم احط ديتول ومطر داك ف الحمامات ريحه حلوه حتى لوماغسلتي
    ويوم ف الشهر رتبي المطبخ والثلاجه من الي وقت مايطلع زوجي اقعد ع النت وانسدح ع كيفي
    اسفه ع الاطاله بس حاسه فيج يالغلا معليش ابتتعبين بس لازم عشان حياتج
    موفقه

تابعي تجارب أخرى من هذا القسم.