ألف الف مبروك فرحت لج وايد وايد و من قلب صج الله يثبته لج و يكتبلج الحمل الصحيح السليم التام و يعوض صبرج خير يارب ... و تعيدين بفستان الحمل مثل ما اتفقنا او بنطلون الحمل خخخ اللي تحبينه ..
:)
لو على الدم لا يهمج انا انزف و توقعي حمل الانابيب دايما في بدايته فيه شوي مطبات بس بعدين ان شاء الله الامور تستقر و انا ما اعرف قصة المرة اللي فاتت بس نسبة الحمل خارج الرحم في الانابيب قليلة و اذا صارت مرة ما تتكرر مرة ثانية وايد صعب بس ان شاء الله يارب لا و انا في حملي انزف من قلب بس الحمل خارج الرحم ما نزل علي ولا نقطه تخيلي .. المهم الصلاة و الصيام عادي بس اللي اعرفه ان الوضوء جدديه عند كل صلاة لا تخلينه لاكثر من صلاة افضل .و خلج مع الدكتور عمر ما شاء الله عليه هو حق الحالات الحرجة و الصعبة زين ما شاء الله انتي حملج عزيز خلج من المستشفى ترى ما يسون شي ..
و الله يكتبلج الحمل التام يارب و يعوضج عن كل التعب يارب .
و الله شوفي لو تضمنين انج ما راح تجهدين نفسج وتتحركين وايد في البيت روحي البيت علشان النفسية بس تابعي معاهم باستمرار ..و اهم لو رقدوج كله علشان مصلحتج .. في امور خارج عن ارادتهم و ارادتج كل بيد رب العالمين ان شاء الله خير يارب و يارب تعدين السادس و السابع و بعدها كيفج على الثامن سمحتلج تولدين خخخخ على كيفي يعني ..
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بيت سعيد انا حلجي شاقته اللي حواليني مستغربين اشفيج مستناسه ...!!!؟:)
ملف المقبلات على اطفال الانابيب والحوامل في دولة قطر (التجمع الثــــامن )
متابعة النقاش، صفحة 105