شاركي في النقاش

سجلي الدخول لإضافة تعليق.

التعليقات

2,134
  1. @byt_saayd

    صاحبة الموضوع
    البنفسج

    الله يبارك فيج ياقلبي وربي يتمم عليج يقومج بالسلامة ..من طيبج والله ..والله يجزاكم خير

    ام اسمى
    الله يبارك فيج يالغالية ..وربي يكثر من امثالكم ..وعقبال مانبارك لج ..وماقصرتي معانا والله اخت وربي الشاهد

    ات ار 5
    يلا هااااانت ..وبإذن الله بتبشرينا بالحمل وبتوأم ان شاء الله متفائلين لج كلنااااا وربي في هالايام الفضيلة بيكرمنا ان شا ءالله

    القطوة ميمي
    حمدلله على سلامتج وربي يبارك في اللي حصلووه
    والله يبارك فيج والفال لج بحمل سليم ثابت ياارب

    بالنسبة حق اللي سويته ماقصرت كــــــــود
    ابتعدي عن المنبهات وشربي حليب مع نشا وماي
    لاتخلين جسمج ناشف طبعا عليج بالدعاء ولاتنامين على السرير وايد يعني خلج طبيعيه بس بدون اي مجهود واخذي التحاميل في وقت محدد احسن كل يوم ..
    بالنسبة لالم البطن ..انا كلت بروفين الصراحة بس لاتحاتين هو تدريجيا بيخف بس لاتشدين على نفسج
    وربي يثبت لج اجنتج ياارب ولا يشمت فيج حد يارب
  2. @byt_saayd

    صاحبة الموضوع

    المشاركة المقتبسة غير متاحة.

    مرحبا بنور العين

    تسلمين ياذوق من طيبك والله انا ان شاء الله احسن وربي يجزاج كل خير واهتمامج اللطيف مثلج :26::26:
  3. @byt_saayd

    صاحبة الموضوع
    شامخه باخلاقها
    مبروك بيت السعيد وعقبالنا بارب
    الله يبارك في عمرج ..ويارب يرزقج ولايطولها شدة عليج
    تاثرت بكلامج واااايد ..ولاتعتقدين اي وحدة تاخرت في الحمل حتى لو3 شهور مامر عليها مثل هالكلام ويمكن اكثر
    حاسين فيج كلنا ..
    بس نصيحة طبقتها على نفسي ترى انا مشواري في الانابيب مب بسيط وماقدر اقولج المحاولات اللي مانجحت ..خلاص صفحة وطويتها ..من باب التفاءل

    بس لاتسمعين حق اي حد وكل ما كبرتي بتزيد ثقتج في نفسج ..وكل محاوله خليها تزيدج اصرار وعزيمة

    ادري صعب البداية ...بس


    مع اليقين والايمان بالله ,,,,,,,,,مافي صعي ومستحيل

    لانه في ربك كريــــــــم رحيــــــــــم بعبــــاده

    وربي يعوضج بالخير يارب
  4. @byt_saayd

    صاحبة الموضوع
    عندي طلب ومابي اكلف عليك


    الدعاء يابنات بثبات حملنا ...مب لازم تكتبون

    الدعاء يكفي في ظهر الغيب في قلوبكم

    يابنات ..ماتدرون ساعة الاستجابة ..متى

    تصادف واحنا في هالايام الفضيلة


    والله يجزاكم كل خير ..
  5. @byt_saayd

    صاحبة الموضوع
    اخباري اليوم

    والله كنت داخلة بنفسية تعبانة شوي بس قريت ردودك شرحتوا قلبي ماقصرتوا

    اليوم زاد الدم علي وفيني الم مثل الم الدورة في المنطقة اللي تحت البطن احس في شد على الجنبين وكانه شي محبوس ..وخايفة وايد ..وابي يعدي الاسبوع عشان اصور ويشوف الكيس

    ماقدر اشتكي من الالم ..والله والحبوب قوية وايد ذابحتني ومسويه لي ضيق نفس ودوخة ..

    هل هاي طبيعي الالم وايد قوي وكلهم يقولون لي تقلصات بس هب معقولة تقلصات هالشكل ...ومابي اتوقع الاسوء !!


    مابي اغثكم ..ولا ابي اكبر الموضوع ولا استهين فيه في نفس الوقت

    دعواتكم يابنات

تابعي تجارب أخرى من هذا القسم.