بنات الامارات..جهزتي للمولود؟؟!!

موضوع حلو و مفيد...
حبايبى ترا انا وطفلى مبالغة فى اسعارها وايد...قبل اربع سنين كانت اسعارها ارخص بس تمت تزيد يوم شافت الناس يشترون وما عندهم مانع.. فانا ادعوكم خواتى انكم تقاطعون هاذى النوعية الاستغلالية حتى لو كنا فى خير.... لا تخلونهم يقصون عليكم... يقولون مواطنين و بيدفعون... عرفتم الحين ليش لاسعار زادت موءخرا؟؟؟لان المواطنين ما يقولون لا
الحين ممكن حد يدلنا على حريم يسوون هاذى الشغلات بس باسعار معقولة وشغللها يستاهل الثمن اللى تطلبه؟؟؟
قطرات شو كانت ربيعتج مقدمة من اكل؟؟؟ كيف كانت مرتبتنه؟؟؟ و عادة الناس شو يقدمون؟؟ هل يسوون عشا؟؟ احيد وحده يابت كافية دوروا يسولها التقديم؟؟؟
tooomyانت شطورة, بعد ما تربيين عطينى اغش من لحاف اختج :) ترانى فى بوظبى بعيدة عنج , ما حد بيعرف:)

أختي غرشوب رعبوب مشكورة على المعلومة :)

أختي مريومة الخياط اسمه القصيمة في سوق المريجب اللي بعد حديقة المريجب... أنا مدحولي اياه ورحت شفه و واااااااايد عيبني

fallingleafأختي .... اللحاف ما يغلا عليج حبيبتي وواصل من صوبج :)

:26:

مشكووورين ع التواصل .. خياط القصيمه .. هيه اعرفه .. ووتسلمين ..

fallingleaf
حياج يالغالية..
بالنسبة لربيعتي.. كانت مقدمة حلويات وخفايف..مممم مثل شو؟
اللي أذكره تمام cup-cake بالشوكالاته.. وحلويات متنوعة على شكل حبات صغيرة.. ووو كيكة مانجا أو خوخ (ماذقتها الصراحة)..
وما أذكر بعد أنواع متنوعة من حلويات وبسكوتات.. شي منها حرمة مسوتهن وشي منها جاهز..
وخفايف مثل بيتزا صغيرة.. وسنديشات شاورما بس صغار وملفوفات بورق ومصفوفات بطريقة حلوة..(شغل بيت)..
طبعا هذا إلى جانب القهوة والشاي والعصاير الفريش ونسكافيه..

ممكن تقدمين أي شي تبغينه.. وما اعتقد المكان مناسب حق عشا.. لأن ما شا الله الزوار سايرين رادين عليج.. وفي كل وقت..
فدايما حاولي تقدمين أشياء حلوة ومالحة.. وياريت تكون بحجم اللقمة أو صغار.. بحيث يسهل تقديمهم..
ماتحتاجين تقطعين وتقدمين..


ومشكورين على التواصل يا بنات.... :27:

السلام عليكم,,,,,

ماشاء الله الأخوات متجمعين من ورانا ولا حد قالنا, بسيطه بروحي دريت ودشيت,

لأني أبا أفيدكم , شوفوا خواتي بالنسبه للسراير وأثاث الأطفال سيروا محل>> جود بيبي<<

في بر دبي مقابل برجمان عندهم كل شئ مثل السراير والسلال والعربانات والكراسي نفس

البيبي شوب ومذر كير بس ارخص.

ممكن تجهزين لملابس المولود من نكست ومن ماركس وسبنسرأغراضهم حلوة.

والأخت اللي في الخان أغراضها حلوة , وأنا وربيعاتي مانطلب الا منها,تسويلج

مهد >اللف اللي يحطون البيبي فيه< ودوشق وشنطه طقم واحد.

والجلابيات شوفي خياط صباح النور مادري صباح الخير اللي في سوق الحمريه عندهم

أشياء حلوه. وبعد أعرف محل عنده جلابيات حلوه مثل أنا وطفلي بس رخيص على 120و

150 والمتروس دانتيلات وشغلات مايتعدى 250درهم.

والحلويات جربوا> سي فان< اللي ورا أبو هيل عنده السندويشات الصغار وفطايرهم حلوه

ويوصلون لين المستشفى, وبعد عندج أخوات في منتدى العروض التجاريه, يجهزون

حلويات في البيت و يلفون وشغلهم راقي وحلو.


واذا تذكرت شئ بردلكم....