بليــز يااحلى بنات الاردن ساعدونى او الى تعرف الله يسعدها

حبيباتى
اتمنى اعرف اسوى المنسف الاردنى لزوجى دايم يطلبه منى بس انا ما اعرف الطريقه بليــز الى تعرف لاتبخل على؟؟

6 تعليق 1,040 مشاهدة

شاركي في النقاش

سجلي الدخول لإضافة تعليق.

التعليقات

6
  1. @kythar_almsaaa

    حبيبتي طريقة المنسف مو صعبة بس بدك يكون عندك المكونات الي هي :
    جميد كركي
    رز منقوع
    لبن رايب
    وجاج او لحمة مسلوقة ويفضل لحمة اطيب
    كركم وبهارات

    بعد ما تسلقي اللحمة بتكوني نقعتي الجميد طبعا قبل بوقت وبتطحنيه في الخلاط مع لبن رايب حسب ما بتحبي بتضيفي الجميد بطنجرة وبتحركيه لحد الغليان وبس يغلي بتضيفي مرق اللحمة لحد ما تشوفي انو صار قوامو كويس وبتضيفي بعدين البهارات والكركم وممكن تضيفي مكعب ماجي حسب الرغبة او الملوحة بتتركيه يغلى 5 دقايق وبعدين بتطفي تحته بتحطيه بعدين اللحمة والافضل انو ما تحطي اللحمة مع الجميد لانها بتخليها تجلد شوي طبعا بتكوني سلقت الرز مع شوية الكركم وبس تخلصي بتجيبي خبز شراك ان شالله بتكوني بتعرفية وبتبلبليه بشويه مرق جميد وبتحطي فوقو الرز وبعدين اللحمة وممكن تزينه ببقدونس مفروم ولوز وصنوبر مقلي وصحتين وهنا..
  2. @aml_anth_1

    مدام ريمي انا ان شاءالله رح اعطيكي طريقة المنسف انا اردنية و مقيمة بالرياض و هادي اكلتنا الشعبية و الي ما بنستغني عنها ابدا

    و هي الطريقة تفضلي :

    اول شي المنسف بينعمل بالجميد الاصلي و هو عبارة عن احجار جميد كبيرة بس اذا صعب تلاقيها فبتعملي بعلمة جميد الكسيح و هي نفس طعم احجار الجميد من دون مبالغة و اذا انتي في الرياض بتلاقيها في السليمانية في الاسواق اللي بتبيع المنتوجات الاردنية و الفلسطينية .

    المقادير :
    قطع لحمة كبيرة الحجم
    علبة جميد الكسيح
    حبتين بصل حجم كبير مقطعة شرايح
    هيل حب
    ورق غار
    2-3 كاسة رز مصري بنكون ناقعينو من قبل نص ساعة بماء مغلي
    كركم عشان لون الارز لانو رز المنسف لازم يكون لونو اصفر ( هيك العادة )
    معلقة طعام سمنة
    لوز وصنوبر مقليين و بقدونس مفروم للتزيين


    *الطريقة نغسل الللحمة و نسلقها وبعد متغلي بنقيم الزفرة البيضا و بنحط البصل وورق الغار وهيل حب و نتركها تغلي لحد متستوي اللحمة طبعا بدون ملح لانو الجميد مااالح جدااااااا .

    بالنسبة للجميد بنرج علبة الجميد و بنخضها مزبوط و بنديرها بطنجرة مع التحريك المستمر و بركز على كلمة المستمر لانو هادا اهم شي في عمل الجميد و بنضل انحرك لحد ما يغلي الجميد
    بس يغلي الجميد نسكب مرقة اللحمة لكن مو كلها و بنكون صفيناها من البصل و الهيل و ورق الغار و نتركهم ليغلو سوا الجميد و مرقة اللحم و اذا بنحب يكون الجميد كثيف او خفيف بنتحكم بكمية مرق اللحمة اللي بنديرها عالجميد .
    بعدين بنضيف قطع اللحمة فوق الجميد ومنتركها تغلي على نار هادئة لمدة دقائق فقط و نضيف ملعقة سمنة اذا اردنا .

    لتحضير الرز نضع قليل من الزيت بالطنجرة ثم نضع الارز ونرش عليه الملح و الكركم ثم نضع ماء مغلي و قبل ما تنشف الماي بنوطي النار و نتركه لمدة نص ساعة .

    طريقة التقديم هي نضع خبز شراك او يسمى بالخبز الرقيق في جاط التقديم و نضع عليه قليل من الجميد ثم نضع الارز وفوقه قطع اللحمة واخر اشي التزيين من بقدونس ولوز و صنوبر
    و نضع الجميد ( اللبن اللي جهزناه اول شي ) في صحون عميقة ( زبادي ) بجانب جاط الارز عشان ناكل الرز و معو اللبن ( الجميد )

    و بتمنى انو تكوني فهمتي علي و ان شاءالله بتجربيها و بتعجبك لانو فعلا اكلة المنسف كتيييير طيبة و ما حدا ما بحبها .

    و صحتين و عافية

تابعي تجارب أخرى من هذا القسم.