اليهال يتهاوشوون ... وإحنا نروح فيها

@bhor_alaatr

السلام عليكم ورحمة الله وبركاته،،،



المسألة بإختصار ... شو تسووون لما اليهال يتهاوشون وتشوفون عيالكم مظلومين من عيال ثانيين ومب قادرين يحلون المشكلة؟ كيف تتصرفون؟


انا كنت احاول اخليهم يحاولون ياخذون حقوقهم بنفسهم غصب طيب ... لكن المشكلة إنني معلمتنهم الادب وزارعة في قلوبهم الرحمة والحنان على باقي اليهال ... وهذا معناه انهم ما يقدرون يسبون ... ما يقدرون يضربون ... إذا لعبوا اللعبة لازم حد يشاركهم فيها وإلا ما يلعبون ...


وفي عيال ما يتفاهمون إلا بالضرب واخذ لعب غيرهم وحرمانهم من اللعب بالقوة مع اللي يبون ...


شو بتسوون في هالحالة؟ لأنني بصراحة بديت الاحظ عيالي ينظلمون وايد في الفترة الأخيرة

واحس إنني انا السبب :44::44:!... كيف اعلمهم ياخذون حقهم ومايسكتون عنه بدون ظلم للي حواليهم ... كيف اخليهم ما يخافون؟

والله نفسيتي تعبانة لدرجة تهاوشت مع ريلي امس عشان هالسبب ...

8 تعليق 676 مشاهدة

0 0

شاركي في النقاش

سجلي الدخول لإضافة تعليق.

التعليقات

8

  1. @ampamp_ogh_alkhyr_ampamp

    يا عمري الله يخليهم لك

    أنا كنت زيك بالضبط ولدي حبوب و حساس لو يصرخون بوجهه على طول يبكي من قلبه هههههه

    بس اللحين أنا و أبوه و جده بعد خليناه عربجي هههههههه

    بإختصار ألعب معاه بعنف شوي يعني علميه الخشونه و لو طاح ما احبطه لا بالعكس أقول يلا بطل قوم يلا انت رجاااااال
    و إذا بكى أقلده و أقلد صوته و يسكت على طول يضحك
    و إذا طلحت الكوره مثلا ما أجيبها له زي أول لا أخليه لين هو يطفش و يروح يجيبها
    و أحيانا ألعب معه كأني أضربه و أسوي أني معصبه بس بلعب يعني يعرف إن امه تلعب معاه عاد أقوم أكشر بوجهي
    و أعطيه بوقس <<بس هاه بوقس كذبي مو حقيقي ههههه , و أشددد شعره و خدوده <<هاه لعب قلنا لعب :)
    و هو يشد شعري و يضارب خخخ <<< ولدي صغير عمره سنه بس ما أدري عن اللي أعمارهم كبيره ترى ماني مسؤووله لو جتك ضربه منهم :)
    يعني بإختصار علميهم الحب و الحنان و بنفس الوقت علميهم الإعتماد على النفس و إنهم ياخذون حقهم و محد يغلط عليهم :)

  2. @ampamp_ogh_alkhyr_ampamp

    و غير كذا لو لاحظتي الموضوع زاد عن حده بالنسبه للأطفال الآخرين قومي و كلميهم بس بهدوء : غلط تسوي كذا يا فلان ووو الله يزعل منك.
    و كلمي أمه خليها توقفه عند حده و لو إن بعضهن أعوذ بالله هي اللي توز طفلها على الثاني و تقول له يضربه بس عشان تغيظ أمه , بس أنتي كلميها بهدوء يعني لا تخلينها تلاحظ إنك متضايقه

    و لا تنسين إستودعي أولادك عند الله و إقري عليهم و حصنيهم من كل شر

  5. @bhor_alaatr

    صاحبة الموضوع
    && وجــه الــخــيــر &&
    يا عمري الله يخليهم لك أنا كنت زيك بالضبط ولدي حبوب و حساس لو يصرخون بوجهه على طول يبكي من قلبه هههههه بس اللحين أنا و أبوه و جده بعد خليناه عربجي هههههههه بإختصار ألعب معاه بعنف شوي يعني علميه الخشونه و لو طاح ما احبطه لا بالعكس أق…
    الله يخلي لج ولدج ويخليج له إنتي وابوه ... يا اختي يا&& وجــه الــخــيــر &&



    انا عيالي اكبرهم 7 سنوات واصغرهم 5، وعلى طاري العنف في اللعب ابوهم يلعب معاهم بعنف لدرجة اخاف عليهم ... وشوي شوي ودير بالك ... وفي الآخر اخليهم واطلع ... لأني عارفة إنهم يحتاجون هالشيء ... وانا ما اقدر اتحمل ... ويضربون ابوهم بوكسات ومايقصرون ... وما اظن السالفة سالفة ضرب كثر ما إنها يمكن خوف؟ يمكن علمتهم الخوف بدل ما اعلمهم الأدب والاحترام ... مع إني والله ما اضربهم ... والله إني محتارة!


    وشفتي اللي حطيته بالأحمر ... في من الأمهات الله يهديهن يعلمن اولادهن إن الأحسن اللي يقدر يضرب وياخذ لعبة الثاني لأنه الأقوى... اي منطق هذا؟


تابعي تجارب أخرى من هذا القسم.