:26:مساء او صباح الخير كلن على حاله :26: شهر مبارك على الجميع جعلكم من من صوامه وقوامه
أبي مشورتكم أبغى اعرف هل أنا فعلا حقودة :( زى ما أمي تقول انا صارت بيني وبين بنت خالي مشكله اللي هي أنها أخذت رقم جوال اخوي من عندي لأننا كنا نتمشى وطلبة جوالي على أساس تبغى صور انا انتبهت أنها تنقل رقم بس قلت يتهيأ لي المهم جوال اخوي دايم مرمي و انا أفتش فيه إلا أشوف رسايل منها طبعا انا انقهرت وعصبت بس قلت بسكت إلى ما امسكها بجرم المشهود طبعا اخوي اصغر منها هي بعمري المشكلة أنها وقحة تكلمه قدامي بس يعني مو هو وانا متأكدة انه هو المهم بعد فتره كنت اصحي اخوي للعمل إلا أشوف جواله يرن وهي المتصلة رديت عليها وما تكلمت قلت لها تكلمي يا وقحة بس قفلت التلفون في وجهي قمت أرسلت لها رسالة لو ما رديتي علي اقسم بالله لاوصل الموضوع للرجال شوي دقت علي ورديت وانا يوم اعصب ما اعرف احد سبيتها وتلفظت عليها وحلفت لو شفتها تدق على اخوي لتندم وهي كانت تبكي وتترجا وان مكالماتهم بس اخوة وما بينهم شي طبعا انا ادري إن بينهم أكثر لأنها كانت ترسل هدايا مع أخوانها على أساس لي وهي لأخوي ألقى رسايلها والهدايا في السيارة بعد هاذي السالفة ما كلمتها يمكن سنة ولا اروح بيتهم لأني حلفت لامي لو رحت ما امسك أعصابي توسطت بنت خالتي بيننا وقعدت تبرر لها هي وأخواتها العلاقة كانت بس أخوه قلت ما في اخوة بين بنت ولد أغراب احنا ما نكشف على بعض من وين الإخوة انا مره ما تقبلت إني أسامحها خانت ربها وأهلها وخانت الدم اللي بيننا قعدت سنه على ها الكلام لا سلام ولا زيارات لهم وأمي تقول انا حرمتها من إخوانها تخاف اسبب مشكله إذا وجهتها وعشان أمي والدم اللي بيننا سلمت عليها وما تكلمت بس يا بنات ما رجعت العلاقة زي أول انا والله العظيم مالي علاقة فيهم من بعيد ولا قريب لا كلام ولا شي صرنا إذا اجتمعنا اجلس مع أمي وخالاتي اتقاً للمشاكل لأني لو تكلمت ممكن اضربها اخوي سبيته وسحبت جواله وهددته لو كلمها الجوال والرسايل عندي ما يحصل طيب لهم خاف وغير شريحته بس هي تمادت صارت تدق عليه من ارقام ثانيه لا وتكلم ولد خالي اللي بعمر اخوي قالي اخوي شوفيها خليها توخر عنا أمي تقول تعقل مع الزمن وانا قلت ما تعقل إلا إذا احد أدبها بكلم خالي أمي حلفت لو تكلمت تقص لساني لأني بخرب عليها علاقتها بأخوها وربي أني صرت أشوفها يترفع ضغطي ولأني صريحة صاروا البنات ما يجلسون معي لأني قلتها في وجههم السكات عن الحق شيطان اخرس وكلكم شايفين الغلط وساكتين على الأقل حسسوها أنها غلطانة بس محد رد علي يجلسون معها عادي تكلم قدامهم عادي أش أسوي اسكت اخلي الموضوع عادي كيفها غلطها على نفسها وإلا احسهها إني اعرف بلاويها وممكن افضحها لوتجاوزت حدودها بليز بنات ساعدوني إنا ما أحب أشوف الغلط واسكت انتظر ردودكم ...............
شاركي في النقاش
سجلي الدخول لإضافة تعليق.
التعليقات
12- صراحه وبدون زعل انتي كبرتي الموضوع يعني هي غلطت بس يمكن بيخطبها ويصير نصيب
بتصرفاتك دي بتحرجين امك واخوك
انتي منتي ضامنه احد بتشيلين الجوال بيطلعون عشرة غيره قولي يارب الهادي - والله ماأدري
أنتي مثلي ماأحب أشوف أحد يغلط واسكت عنه يرتفع ضغطي وأكرهه كره كبيييير ومستحيل أرجع معه زي أول
بس مشكلتك والله تلخبط ماأدري وش تسوين
أنتي لو دقت على أخوك مره ثانيه هدديها أنك تبلغين أهلها عنها
وفعلا لو سوتها أرسلي من شريحه بدون أسم لأخوانها وعلميهم عليها خل تتأدب
لأن سمعة بنت وحده من العيله تأثر على قريباتها كلهم للأسف
الله يسترنا بستره - لا والله ماغلطتي ابدا هذا اخوك ولازم تخافي عليه واذا تمادت كلميها بعصبيه وهدديها هذا النوع ما ينفع معاهم الا العين الحمرا
- جربت اسلوب القوة المباشره والتهديد ولا نفع معها
حاولي تستخدمي اسلوب ثاني
احضري الاجتماعات واستغليها فرصة للدعوه مثلا
سوي مسابقة العاب خفيفه حتى تجذبيهم وتستميلينهم لك ثم جيبي محاضره عن الفتيات والعلاقات المحرمه وسوي مسابقه على جزء من المحاضره يكون هو اقوى جزء فيها وعلشان ما يملون البنات والاسئله تكون عن النهايات المأساويه للعلاقات المحرمه على البنت واسرتها وتوزيعي هدايا بسيطه
و الجمعه الثانيه تقولي قصه حقيقيه لبنت تعاكس ونهايتها السيئه وتطلبي من البنات كل وحده تقول قصة سمعتها
المهم لازم تكوني انت المسيطره على الجلسه بطريقه حلوه ومحببه وانتي تديرين جمعة البنات بطريقتك حتى يتفاعلوا معك وتحس انها هي المنبوذه وان الجميع يشاركك الرأي في ان اي بنت تسير بها الطريق حتما نهايتها كارثيه
الله يوفقك ويسعدك يارب - ما شاء الله عليك..احيي فيك هالحرص اللي الآن صااار نادر الا معدووووووم....
زي ما خوفتيها المره الأولى خوفيها المره الثانيه وبيني لها انك داريه عن حركتها مع الثاني وانك بتعلمين ابوها
مواضيع مشابهة
تابعي تجارب أخرى من هذا القسم.