سؤالي عن الفيس بوك تكفوووووووووووون

والله مااشتركت به ولاابي اشترك فيه

المشكله كل اللي يسبون فيه يقولون مانعرفه ولا دخلناه اجل على اي اساس سبيتوه ؟ بس لانكم سمعتوا عنه
شوفي اختي النت اول ماطلع سموه الناس الشيطان والرجال كانوا يمنعون حريمهم يسجلون بمنتديات
انا عندي حساب بالفيس بوك واضيف اللي انا ابغى يعني اللي يقول شباب ومغازل هذا شخص سمح لهم وقبل اضافتهم
يعني لاتسمحون للي ماتعرفونهم انهم يكونون من ضمن قائمتكم .. انا بصراحه بحثت عن صديقات لي قديمات ووجدتهم واتواصل معهم
وضايفه اهلي واخواني وزوجي وكل قريباتي ومحارمي ..
وضايفه صفحات المشايخ العريفي والغيث القرني والعوده وغيرهم كثير
وضايفه طبيبات مثل دكتوره مها هاشم
يعني لو حرام كان المشايخ ماقبلوا الاضافه من النساء
مو ضروري ياختي تردين وتعلقين بصفحاتهم المهم انك تتابعين وتقرين وتستفيدين
غير كذا فيها صفحات خاصه بالقروبات تقدرين تضيفينها ..
مثل صفحات خاصه بالطبخ وصفحات خاصه بالطب البديل وصفحات لنصرة النبي وصفحات لنشر الاسلام
اللي يقولون انه مغازل وقلة ادب هذولي الله يهديهم هم اللي ضايفين الشباب زي اي وحده تضيف شباب بالمسن
الفيس بوك يضمن لك خصوصيه اكثر من المنتديات لان محد يقدر يدخل صفحتك الا اذا انتي قبلتيه
هو سلاح ذوحدين زيه زي الجوال زي المسن والنت
بس للاسف حنا شعب مانحب نتقبل اي تقنيه جديده وننسى الايجابيات وننظر فقط للسلبيات وبعد سنييين نرجع للشيء اللي كنا نسبه ونظطر نستخدمه .. بالنسبه للصور الخليعه ماعتقد ان خواتك واهلك بيحطون صور مخله .. وزي ماقلت لك هذي يحطها الاشخاص اللي اخلاقهم مو كويسه ولا تعرفينهم عشان كذا اقولك لاتضيفين الا اهلك وصديقاتك او مشايخ ودكاتره .. حتى على فكره ترى المشايخ ينشرون بس النصايح والدروس ولا يردون على احد .. يعني ماراح يكون بينك وبينهم كلام ..
انا هنا ما اشجع للتسجيل فيه ولكن حبيت اوضح لك ايش الفيس بوك ..

عجيب !
فساد
اختلاط
شباب
قلة أدب
و شيطان يجرك جر

ايش خليتوا .. ههه
لا و في النهاية يقولون ما جربوه !!

مجتمعاتنا جد عجيبة .

كل شي بهالدنيا ممكن تستخدميه للخير و الشر
خلاص حرموا مواقع البحث بعد قوقل ولا ياهو
ايش رايكم لو تمنعون الجوالات ، و التليفونات ، و الشوارع اللي تمشي فيها نساء و رجال بعد
لا و يمكن ممنوع تمشون بشوارع اللي يمشون فيها ما تعرفون أصلهم و فصلهم !!!!

يا ناس هذا مو منطق أبد
سمعت و يقولون و فساد و بقى حبتين و تقولوا دعارة !!!

تدرون / كل شي ممكن تستخدمه في الحلال و كل شي ممكن تستخدمه في الحرام

الكحول إللي هو حرام ، ممكن نستفيد منه في تعقيم الجروح و غيره
ما نقول استخدام الكحول حرام ، نقول شربه حرام .

العباءة و الغطوة اللي هي سترنا و حجابنا ، ممكن نستخدمها في الحرام
بدل ما تكون ستر تكون تستر من أفعال محرمة
أظني سمعتوا كثير عن بنات ، يسرقن في المجمعات و العباءة و الغطوة تسترهم من الكاميرات ، و يطلعوا من المجمع ولا أحد يصيدهم
يا ناس في ناس تسرق أطفال بالمجمعات ، و لأن وجهم مغطى ما ينعرفوا
أو يقابلن و يطلعن من شباب ، و لا أحد يميزهم هذول مين و بنات مين لأنهم استخدموا اللنقاب ولا الغطوة كتستر عن جرايمهم و ليس دين و حياء
لكن عمرنا ما قلنا الغطا و العباية و النقاب حرام
نقول استخدامه كحجاب شرعي و ليس حجاب لتصرفاتك الشخصية

الإنسان نفسه هو اللي يحدد حلية أو حرمة الأداة اللي يستخدمها
و الأصل في دينا هو حلية كل شيء ثم يأتي التحريم
الأصل الطيبات ثم تأتي الخبائث

الحرمة تعني أن مضار الشيء أكثر من فوائده
و الآن أنتم تتكلمون عن أداة صرفة ، كل مضارها و كل فوائدها هي تحت تصرفك
يعني أنت اللي تحولها إلى حرام أو حلال
مثل التلفزون ، الكمبيوتر ، الجوال
كل شي بيدك

عن الفيس بوك ترى هو يصنف من المواقع الإجتماعية ، مدري ليش نسيتوا هالشي
أنا عن نفسي مسجلة فيه
و بأسمي و أسم أبوي و عيلتي
و ما أحب أبداً أضيف أحد مسجل بنك نيم / أفصحي عن نفسك حتى أعرفك و أثق فيكي

و على فكرة / بالنسبة لي ، الفيس بوك مصدر ممتاز لمعرفة أخبار أحبابي و عايلتي و أصدقائي
بل لمعرفة أخبار مجتمعي و الفعاليات اللي فيه
بل لمعرفة أخبار و فعاليات منظمات و مؤسسات عالمية و جامعات ، و أخبار

و أخيراً
بالذات التكنلوجيا يعتمد على استخامك له
و أنا عمري لا شفت صور خليعة و لا ماصخة ولا حتى فيها إنّ على الفيس بوك
لأن بكل بساطة عمري ما دورت عليها
بس اللي يدور في أي مكان بها النت أكيد راح يلاقي

و السلام