بنات خيبتوني قبل لالا تخيبوني هالمره ادخلو منتو خسرانين

السلام عليكم ورحمة الله وبركاته
















بنات تكفون هالمره عطوني وجه مافيه وقت خلاص جاء رمضان<<شالسالفه

بنات انا حطيت قصتي قبل بحذافيرها والحين بقولكمياها باختصار
يالاجوديات انا بنت من سكان الخفجي وجاني نصيبي اتزوج بالدمام
تخيلو بعد سنه من زواجي توفى ابوي(الله يرحمه)برمضان الي طاف
وهو ساااجد والحمدلله وكل مااتذكر انه كان ساجد تهون مصيبتي<<مالكم بالطويله
وامي بعد ماخلصت عدتها توفت بعده تخيلو (وربي كل مااتذكرهم تدمع عيني ويتقطع قلبي 100 قطعه)انالله وانا اليه راجعون
طبعا بعد معاناة مرض طويله
وكانو الله يرحمهم يحسسونا انى انا واختي انفس شي بالحياهواغلى شي مع انو كنا بعد اربع صبيان وناويه اسوي شي ينفعهم باخرتهم
وصلنا الزبده----
بنات انا ناويه اروح لملجأ ايتام ومثلا نشريلهم ملابس العيد او اغراض ناقصتهم او نسويلهم برنامج ترفيهي
وابي اي وحده عندها استطاعه تشاركني ونتشارك بالاجر والثواب
تقولي وبرمضان الحسنه بعشر من امثالها وانت تعرفون شنو اجر اليتيم مايحتاج اقولكم ويالي ماتقدر ياريت ترفع الموضوع بدعوه لوالدي(ولكي مثلها)وفكره غير الافكار الي فوق اذا عندها
فديتكم لالالا ترجعوني خايبه
وانا من اهل الدماااااام ويالي تدل ملجأ ايتام تدلني عليه مشكوره
وتكفووووووووووون ردو

16 تعليق 1,051 مشاهدة

شاركي في النقاش

سجلي الدخول لإضافة تعليق.

التعليقات

15
  1. @soso2050_1

    الله يرحم ابوي ووالديكي يارب وجميع موتى المسلمين ويجمعنا بهم في الفردوس الاعلى تقدرين تشترين مصاحف وتحطينها في المساجد صدقة عنك وعن والدينك ليوم الدين وتحاولين دائما تتصدقين لهم في اي مكان محطة او عمال البلدية حتى الي يشحذون بالاسواق عطيهم الي تقدرين عليه لاتقولي متسولين الله قال في القرآن (واما السائل فلا تنهر) وربي يكتب لك الاجر بنيتك ان شاء الله او تعتمرين لهم لما تعتمري لنفسك بعدها بيوم اعتمري لوالديكي سويتها مرة سبحان الله اسهل منها مافيه ماتعبت فيه كثر عمرتي الله يوصل اجرها لابوي يارب
  2. @thlg_albyt

    الله يرحم موتاكم يارب ... بس حبيت اعطيك رأي الأيتام عندهم ملجأ والحكومة ما شاء الله ما قصرت معهم ... بالصراحة انا رحت مرة لقرية من القرى والله حالهم يبكي فقراء بمعنى الكلمة والجوع باين عليهم وعندهم اطفال كثير وجيرانهم عندهم يتامى كمان اذا حابة تتصدقي انتي بنفسك اشتريلهم اكل وملابس ووديها او ارسليها لشخص موثوق ولا تعطيها
    الجمعية لأني سألتهم وقالولي ما تعطي الا القليل . سبحان الله استغربت ان في ناس عايشين بهذه الحالة الى الآن فبلد الخير

تابعي تجارب أخرى من هذا القسم.