رحمة الله أنقذت ولدي
السلام عليكم بنات حواء
مبروك عليكم الشهر و كل عام و انتم الى الله اقرب
اليوم بقولكم سالفة صارت لي و طازه
كنت بالسوق و اشتريت لولدي الكبير شروخ و طراطيع
و طلعوا للسطح هو و ابوه يلعبون فيها
ومن لقافتي اخذت ولدي الصغير 6 أشهر و رايحه اتفرج فيهم
وانا اصعد مع الدرج و قبالي باب السطح إلا هووووب النار الكبيره اللي جايه بسرررعه صوبي انا و ولدي
وربي يابنات انها كانت متوجهه عند وجهه انا شفتها مابينها وبين وجهه شي
جلست اصارخ و ابكي و حالتي حاله توقعت شوهة وجهه او عينه او شي
إلا انو سبحان الله ماصار فيه شي ابد و كأنها معجزه صارت
حتى مابكى و لااي ضرر طاله الحمد لله اللي سلمه
اللهم لك الحمد كما ينبغى لجلال وجهك وعظيم سلطانك
وانا اليوم كله كنت اردد سيد الاستغفار توي اليوم حفظته و صرت اردده
[ اللهم أنت ربي لاآله إلا أنت خلقتني و أنا عبدك و أنا على عهدك ووعدك ماأستطعت
أعوذ بك من شر ماصنعت و أبوء لك بنعمتك علي و أبوء بذنبي فأغفر لي
فأنه لايغفر الذنوب إلا أنت ]
الله الله بالاستغفار يابنات و لاتشترون الاشياء المضره ابد :26: